Pomegranate

Hranat — heta sakavityja, sałodkija jahady, bahatyja na klatčatku, vitaminy i minierały i navat utrymlivajuć trochi białku. U ich taksama šmat antyaksidantaŭ i supraćzapalenčych złučeńniaŭ, takich jak punikałahin. Fota: Robbie Goodall / Getty Images

Dziakujučy rečyvam u svaim składzie hranat umacoŭvaje imunitet i źmianšaje zapaleńni, a taksama niejtralizuje mikraarhanizmy, što vyklikajuć bakteryjalnyja i hrybkovyja infiekcyi. Pa słovach navukoŭcaŭ, hranat zdolny jašče i palapšać pamiać dy pavialičvać fizičnuju tryvałaść.

Hranatavy sok panižaje cisk, tamu hipatonikam jaho lepš nie ŭžyvać. Z-za vysokaha ŭzroŭniu kisłotnaści hranatavy sok taksama supraćpakazany tym, chto pakutuje na hastryt abo jazvu.

Radzima hranata — Paŭnočnaja Afryka i Siaredniaja Azija. Ciapier hetuju raślinu vyroščvajuć i ŭ inšych krainach, takich jak Iran, Turcyja, Hruzija, Armienija, Azierbajdžan. Adpaviedna, bolšaść receptaŭ, u jakich vykarystoŭvajecca hranat, — z kuchniaŭ hetych rehijonaŭ. Hranat dadajuć u sałaty, miasnyja stravy i stravy z kuskusu abo padsałodžvajuć sousy, desierty i napoi hranatavaj patakaj i hranatavym sokam.

Sałata z vendžanych bakłažanaŭ, piercu i hreckich arechaŭ z hranatam

  • 4 vialikija bakłažany
  • 3 vialikija čyrvonyja piercy
  • 50 h hreckich arechaŭ, zdrobnienych
  • nievialiki pučok piatruški, bujna narezanaj
  • 2 vialikija zubki časnaku, razdušanyja
  • 6 stałovych łyžak aliŭkavaha aleju plus jašče dla padačy
  • sok 1 limona
  • ščopać mołataj karycy
  • 75 mł hranatavaj pataki
  • 100 h zierniaŭ hranata
  • chleb, łavaš ci prasnaki dla padačy

Jak hatavać:

  1. Abpalicie i abvuhlicie bakłažany i pierac albo na hryli, albo prosta na połymi hazavaj plity. Abvuhlicie łupinu, pakul jana nie zaćviardzieje i nie zharyć całkam.
  2. Pakińcie bakłažany astyvać na 20 chvilin. Pakładzicie piercy ŭ charčovy pakiet, zaviažycie jaho i pakińcie nastojvacca na 20 chvilin. Paśla hetaha abvuhlenaja łupina pavinna lohka saśliznuć ź piercaŭ, pakinuŭšy tolki padsmažanuju miakać. Narežcie jaje bujnymi kavałkami i pakładzicie ŭ vialikuju misku.
  3. Vialikaj mietaličnaj łyžkaj vyčarpajcie miakać bakłažanaŭ i adkińcie jaje na sita, kab źlić lišni sok. Vykińcie abharełuju łupinu. Miakać narazajem nievialikimi kavałačkami i dadajom da smažanaha piercu. Akuratna pieramiašajcie, dadajcie ŭ misku hreckija arechi, bolšuju častku piatruški, časnok, aliŭkavy alej, limonny sok i karycu ź nievialikaj kolkaściu prypraŭ i dobra pieramiašajcie da adnastajnaści.
  4. Padavajcie sumieś bakłažanaŭ i piercaŭ raskładzienaj na vialikaj talercy. Palicie hranatavaj patakaj, pasypcie piatruškaj, jakaja zastałasia, i zierniami hranata, zatym dadajcie trochi aliŭkavaha aleju. Padavajcie z chlebam/prasnakami.

Harnir z hranatam i kuskusam

Jaho možna vykarystoŭvać u jakaści načynki abo dadatku da kurycy ci indyka.

  • 400 mł aharodninnaha abo kurynaha bulonu
  • ščopać šafranu
  • žmienia hatovych da ŭžyvańnia abrykosaŭ, narezanych sałomkaj
  • žmienia sušanych žuravin
  • 50 h masła
  • 200 h kuskusu
  • 50 h ačyščanych fistašak, padsmažanych i bujna narezanych
  • žmienia zierniaŭ hranata
  • nievialiki pučok kinzy, narezany

Jak hatavać:

  1. Daviadzicie aharodninny bulon da kipieńnia na patelni. Dadajcie šafran i abrykosy (i žuraviny, kali vykarystoŭvajecie) i pieramiašajcie. Varyć vielmi aściarožna na praciahu 2-3 chvilin.
  2. Pakładzicie kuskus, alej i ½ čajnaj łyžki soli ŭ misku. Ulicie kipiačy bulon, źmiašajcie, zatym nakryjcie charčovaj plonkaj. Pakińcie na 5 chvilin, potym uźbicie videlcam i dadajcie fistaški, hranat i kinzu.

Smažanaja morkva z tachini i hranatam

  • 16 morkavak, tonkich, nie vialikich, ale i nie maleńkich, pačyščanych
  • aliŭkavy alej
  • 1 stałovaja łyžka nasieńnia kmienu
  • 2 stałovyja łyžki tachini (blizkaŭschodniaja pasta z padsmažanaha mołataha kunžutu)
  • 2 čajnyja łyžki kunžutnaha aleju
  • kinza, nievialiki pučok, bujna narezany
  • žmienia zierniaŭ hranata

Jak hatavać:

  1. Nahrejcie duchoŭku da 190°C. Pieramiašajcie morkvu z 3 stałovymi łyžkami aliŭkavaha aleju, vialikaj kolkaściu prypraŭ i nasieńniem kmienu. Vykładzicie ŭ adzin płast na blachu z antypryharnym pakryćciom i zapiakajcie 30 chvilin abo da hatoŭnaści.
  2. Dastańcie morkvu i palicie jaje tachini i kunžutnym alejem, pakul jana haračaja. Pasypcie kinzoj i zierniami hranata i padavajcie.

 

Čytajcie taksama:

Hranat ješcie z kostačkami

Recept na vychadnyja: novy padychod da zvykłaj hrečaskaj sałaty

Prosty johurtny piroh rodam z tureckaj kuchni. Recept i sposab pryhatavańnia

Śniadanak, dziela jakoha chočacca pračnucca: bliny z syram i zielaninaj

Adkul uziałasia moda na boŭły i jak samomu skłaści boŭł

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?