U kampanii «Santa Rytejł» paćvierdzili hetuju infarmacyju.

«U pačatku hoda my padstavili plačo «Vitaluru» ŭ składany dla jaho pieryjad i ŭziali pad svajo apieracyjnaje kiravańnie 81 kramu hetaj sietki: vykupili handlovaje abstalavańnie, tavar i padtrymali finansava. Heta dazvoliła nie tolki zachavać samaje važnaje —piersanał i pakupnikoŭ, ale i dapamahčy «Vitaluru» raźličvacca ź dziaržavaj, supracoŭnikami i pastaŭščykami, zachavać svaju płaciežazdolnaść», — zajavili ŭ hrupie kampanij.

Tam, adnak, adznačyli, što pryjšoŭ čas «ruchacca dalej».

«Pa šerahu handlovych abjektaŭ pa pahadnieńni bakoŭ dahavory arendy spyniajucca, i ŭłaśnik zaklučaje novyja dahavory ź inšymi apieratarami», — udakładnili ŭ «Santa Rytejł».

U svaju čarhu, hiendyrektar «Vitalura» Vital Jacuk raskazaŭ partału Office Life, što šerah kram, jakija byli ŭ arendzie ŭ «Santy», ciapier užo pieradajuć inšym handlovym sietkam.

Pavodle jaho słoŭ, u pačatku hoda, kali treba było pieradać u arendu i zachavać 81 kramu, heta była składanaja ździełka, uvasobić u žyćcio jakuju vyrašyli ź sietkaj «Santa».

«Na toj momant u nas była damoŭlenaść z «Santaj», što my vierniemsia da razmovy ab tym, kab pieradać častku abjektaŭ inšym handlovym sietkam. Naprykład, heta tyčycca bujnych handlovych abjektaŭ, bo dla «Santy» nie charakterny hety farmat. U vyniku ŭ siaredzinie leta my praviali pieramovy, i ciapier havorka idzie ab pieradačy prykładna 20 handlovych abjektaŭ», — raspavioŭ Jacuk.

Pavodle jaho słoŭ, kolkaść abjektaŭ moža pa vyniku vyraści. Ale pakul vosiem kram pieradajuć handlovaj sietcy Green, čatyry buduć arandavać «Susiedzi « i dva — «Hipa». Akramia taho, «Vitalur» viadzie pieramovy jašče z dvuma apieratarami.

Čytajcie taksama:

Vyručka sietki «Santa» vyrasła ŭ 1,5 razu, ale kampanija niasie straty

«Je-dastaŭka» na svaim sajcie abviarhaje, što ŭ ich samyja nizkija ceny

«Źniali ź jaho niasłaba». Bankructva pahražaje «Vostravu čyścini»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?