Muziejny kompleks staradaŭnich narodnych ramiostvaŭ i technałohij Dudutki. Fota z sajtu dudutki.by

Muziejny kompleks staradaŭnich narodnych ramiostvaŭ i technałohij Dudutki

Tut abiacajuć navahodniuju šou-prahramu. Na sajcie Dudutak paznačana, što jość mahčymaść pravieści navahodni bankiet jak na ruskaj, tak i na biełaruskaj movie.

Bolšaść prapanavanych varyjantaŭ raźličana na vialikija kampanii — kala piacidziesiaci čałaviek. Ale mahčyma zamović śviatkavańnie na kampaniju, u jakoj da piatnaccaci čałaviek. Tady košt prahramy na čałavieka składzie 205 rubloŭ. U hetuju canu ŭvachodzić bankiet, praca DJ i viadučaha.

Park interaktyŭnaj historyi Suła. Fota z sajtu parksula.by

Park interaktyŭnaj historyi Suła. Fota z sajtu parksula.by

Park interaktyŭnaj historyi Suła: drakon nočču, pachmielnaja juška zranku

Zabaŭlalnaja prahrama na navahodniuju noč u Sule budzie davoli tradycyjnaj. Zapłanavanyja vinšavańni ad Dzieda Maroza i Śniahurki, vystup kavier-bendu, hulni i konkursy ad Drakona.

Abiacajuć, što bankietnaje mieniu ad šef-kuchara pryjemna ździvić navat hurmanaŭ. Zranku 1 studzienia haściej čakaje praciah śviatočnaj prahramy i pachmielnaja juška.

Košt śviatočnaj viačery i pražyvańnia ŭ hateli dla darosłaha — 630 rubloŭ. Dla dziaciej z 3 da 14 hadoŭ viačera kaštuje 250 rubloŭ i jašče 60 rubloŭ nieabchodna dapłacić za miesca ŭ hateli. Dla padletkaŭ ad 14 da 17 hadoŭ viačera kaštuje 350 rubloŭ i taksama nieabchodna dapłacić 60 rubloŭ za raźmiaščeńnie ŭ haścinicy.

Etna-kulturny turystyčny kompleks «Nanosy Adpačynak». Fota z sajtu nanosyotdyh.by

Etna-kulturny turystyčny kompleks «Nanosy Adpačynak». Fota z sajtu nanosyotdyh.by

Etna-kulturny turystyčny kompleks «Nanosy Adpačynak»

U hetym turystyčnym kompleksie haściam prapanoŭvajuć zastacca na try nočy — z 30 śniežnia da 2 studzienia. Kaštuje heta 5800 rubloŭ za ŭvieś čas dla kampanii z čatyroch čałaviek (kali zdymać hramadskuju chatku) ci 9500 rubloŭ dla kampanii z šaści čałaviek (kali zdymać miaščanski domik). Paznačana, što i hramadskaja chatka, i miaščanski domik nie majuć telebačańnia i internetu — kab dapamahčy ludziam adčuć siabie ŭ XIX stahodździ. Zatoje jość łaźni.

Etna-kulturny turystyčny kompleks «Nanosy Adpačynak». Fota z sajtu nanosyotdyh.by

Etna-kulturny turystyčny kompleks «Nanosy Adpačynak». Fota z sajtu nanosyotdyh.by

U košt uvachodzić śviatočnaja prahrama, pražyvańnie i trochrazovaje charčavańnie. Abiacajuć taksama ekskursii pa šaści muziejach kompleksu, vystup muzyčnaha kalektyvu na śviežym pavietry, karahody, pieśni, tancy i konkursy.

Uviečary 31 śniežnia pa chatkach ź vinšavańniami projduć Dzied Maroz i Śniahurka z padarunkami. U pieršy dzień Novaha hoda haściam prapanujuć harbatu na travie, hlintviejn i pachmielnuju jušku.

Va ŭsich achvočych taksama budzie mahčymaść paŭdzielničać u majstar-kłasie pa vypiečcy chleba, pahladzieć konnaje šou. Dzieciam prapanujuć prakacicca na aśle ci poni.

Čytajcie taksama:

Navahodnija dziciačyja padarunki buduć pradavać ad 8 da 87 rubloŭ

U Tabarach pad Minskam užo pradajucca sapraŭdnyja žyvyja jalinki

U Minsku ŭžo pastavili pieršuju jalinku

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?