Fota: Aŭkcyjonny dom «Litfond» / Ivan Filimonov

Fota: Aŭkcyjonny dom «Litfond» / Ivan Filimonov

Histaryčny dakumient byŭ padpisany 28 lutaha 1567 hoda ŭ Knyšynie. Pisar Michał Haraburda skłaŭ tekst na starabiełaruskaj movie i napisaŭ jaho kiryličnym skorapisam.

Na ŭnikalnym histaryčnym dakumiencie ŭ zołacie i farbach vidać bujnaja rukapisnaja vyjava hierba, jaki ŭjaŭlaŭ saboj haradskuju ścianu z tryma viežami.

«Dajem tomu miestu Diśnienskomu hierb tri vieži z muru, kotoryj hierb i na siem listie našom vymalevať jeśmo kazali», — havorycca ŭ hramacie.

Fota: Aŭkcyjonny dom «Litfond» / Ivan Filimonov

Fota: Aŭkcyjonny dom «Litfond» / Ivan Filimonov

Tekst hramaty viadomy daśledčykam, bo byŭ vydadzieny ŭ 13-m tomie «Aktaŭ Vilenskaj archieahrafičnaj kamisii» ŭ 1886 hodzie. Tady aŭtary publikacyi spasyłalisia na kopiju dakumienta XVIII stahodździa, a sam aryhinał hramaty zachoŭvaŭsia ŭ Vilenskim mahistracie.

Aŭkcyjon, na jakim hramata była pradadzienaja za 750 tysiač rasijskich rubloŭ (kala 8,5 tysiačy dalaraŭ), adbyŭsia 16 listapada. Źviestki pra pradaŭca i pakupnika «Litfond» nie apublikavaŭ. Piačatka na dakumiencie śviedčyć, što, vierahodna, hramata znachodziłasia ŭ biblijatecy rodu Tyškievičaŭ.

Taksama ŭ dzień aŭkcyjonu byli pradadzienyja jašče dva dakumienty z archiva Tyškievičaŭ, źviazanyja ź biełaruskaj historyjaj. Tak, za 550 tysiač rasijskich rubloŭ pradali hramatu vialikaha kniazia litoŭskaha i karala polskaha Žyhimonta III Jakavu Mileŭskamu na ziemli ŭ Vilenskim vajavodstvie, a taksama hramatu vialikaj kniahini litoŭskaj i karalevy polskaj Bony Sforcy manastyru śviatych pakutnikaŭ Barysa i Hleba ŭ Hrodnie. 

Čytajcie taksama:

«U nas byli svaje aktobarfesty». Ajcišnik z Homiela adnaŭlaje recepty staradaŭniaha biełaruskaha piva

Jak nazva «Biełaruś» napoŭniłasia palityčnym sensam

Pahromy na Biełarusi. Chto za imi stajaŭ

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?