Fota: pvestnik.by
Ideja prahramy, jakuju bank realizuje da svajho 100-hodździa, palahaje ŭ tym, kab aformić niekalki filijałaŭ u etnahrafičnaj stylistycy z elemientami histaryčnaj tematyki. Połackaje adździaleńnie mieścicca na praśpiekcie Francyska Skaryny, i ciapier naviedniki bačać vyjavu pieršadrukara ŭ interjery bankaŭskaj ustanovy.
Taksama na ścienach u banku — krajavidy staroha Połacka i malunki ŭ styli skarynaŭskich hraviur, jakija ilustravali vydadzienyja im knihi. Absłuhoŭvajuć klijentaŭ supracoŭnicy ŭ adzieńni z nacyjanalnym kałarytam — u spadnicach i vyšyvanych kašulach. Zrešty, u adnolkavyja błuzki z vyšytymi kryžykam vasilkami apranutyja rabotnicy va ŭsich adździaleńniach «Biełarusbanka», jakija trapili ŭ etna-prahramu.
Fota: gorod214.by
U Połacku vyrašyli zrabić aryhinalnym samo adkryćcio adździaleńnia №216/2069 i zaprasili na jaho «žyvoha Skarynu» — miascovaha litaratara Alaksandra Ratkieviča, jaki piša pa-rusku i publikujecca pieravažna ŭ rasijskich vydańniach. Apranuty ŭ siaredniaviečny stroj, jon čytaŭ prysutnym svaje rasijskamoŭnyja vieršy pra Połack, uvasablajučy słavutuju histaryčnuju asobu.
Fota: pvestnik.by
