Skrynšot ź videa ANT 

Skrynšot ź videa ANT 

Vystaŭka «Našy kalekcyi. Francuzskaje vyjaŭlenčaje mastactva sa zboru Nacyjanalnaha mastackaha muzieja Respubliki Biełaruś» budzie ekspanavacca z 28 kastryčnika 2023 hoda da 15 studzienia 2024 hoda. Kuratarkaj vystaŭki vystupiła zahadčyca adździeła zamiežnaha mastactva Śviatłana Prakopjeva.

Vystaŭka praciahvaje cykł tematyčnych ekspazicyj, jakija pakazvajuć vyjaŭlenčaje mastactva asobnych jeŭrapiejskich mastackich škoł na prykładzie tvoraŭ z kalekcyi muzieja.

Ekspanaty vystaŭki. Skrynšot ź videa ANT 

Ekspanaty vystaŭki. Skrynšot ź videa ANT 

Na praciahu mnohich stahodździaŭ francuzskaja škoła była najbujniejšaj jeŭrapiejskaj mastackaj škołaj. Francyja dała śvietu hotyku, znakamitych majstroŭ Paŭnočnaha Adradžeńnia; francuzskija mastaki XVII stahodździa, naraŭnie ź italjanskimi majstrami, stali bujnymi pradstaŭnikami stylu baroka, a takija styli i napramki, jak kłasicyzm i ampir, rakako i mastactva Aśviety, źjaŭlajucca dasiahnieńniami čysta francuzskaha mastactva.

Skrynšot ź videa ANT 

Skrynšot ź videa ANT 

Zbor francuzskaha mastactva Nacyjanalnaha mastackaha muzieja Respubliki Biełaruś uklučaje ŭ siabie niamała cikavych, pieravažna žyvapisnych i hrafičnych tvoraŭ, na prykładzie jakich možna paśladoŭna i paŭnavartasna prademanstravać raźvićcio vyjaŭlenčaha mastactva Francyi i jaho ŭpłyŭ na inšyja jeŭrapiejskija škoły.

Skrynšot ź videa ANT 

Skrynšot ź videa ANT 

U kalekcyi muzieja zachoŭvajecca šerah sapraŭdnych šedeŭraŭ, stvoranych takimi vialikimi majstrami francuzskaj škoły, jak Žan Fransua de Trua (1674—1752), Aleksis Hrymu (1678—1733), Kłod-Žazef Vierne (1714—1789), Hiubier Rabier (1833) ), Žan-Batyst Reńjo (1754—1829), Mary Łuiza Elizabet Viže-Lebren (1755—1842), Fransua Žerar (1770—1837) i inš.

Zała ź piejzažnymi tvorami. Skrynšot ź videa ANT 

Zała ź piejzažnymi tvorami. Skrynšot ź videa ANT 

Z davajennych zboraŭ Dziaržaŭnaj karcinnaj halerei BSSR pachodzić pastel «Alehoryja pachu», a voś źlepki z najbolš viadomych skulptur, u tym liku biusta Maljera, byli pieradadzieny muzieju znakamitaj francuzskaj mastačkaj Nadziaj Chadasievič-Leže, jakaja naradziłasia na terytoryi ciapierašniaha Dokšyckaha rajona.

Biust Maljera na vystaŭcy. Skrynšot ź videa ANT 

Biust Maljera na vystaŭcy. Skrynšot ź videa ANT 

Nie mienš značnym źjaŭlajecca i zbor francuzskaj hraviury, pieravažna XVIII stahodździa, a taksama kalekcyja francuzskaj knižnaj ilustracyi kanca XIX — pačatku XX stahodździa. Mnohija z pradstaŭlenych knih majuć ekślibrysy biblijateki Radziviłaŭ. 

Zała z hrafičnymi pracami. Skrynšot ź videa ANT 

Zała z hrafičnymi pracami. Skrynšot ź videa ANT 

Na vystaŭcy budzie pradstaŭlena bolš za 160 tvoraŭ žyvapisu, hrafiki i skulptury. Tvory, što ekspanujucca na vystaŭcy, dajuć vydatnuju mahčymaść paznajomicca z adnoj z najbujniejšych mastackich škoł śvietu, francuzskaj škołaj, i prasačyć raźvićcio i evalucyju mastactva hetaj krainy na praciahu XVII — pačatku XX stahodździa.

Čytajcie taksama:

U samym starym draŭlanym budynku Biełarusi źjavicca muziej

Dźvie karciny Šahała paśpiachova pradali na Sotheby's, a Sucin da tarhoŭ nie dajšoŭ

Uvachod u miačeć Ajia-Safija ŭ Stambule stanie płatnym dla zamiežnikaŭ

Клас
2
Панылы сорам
0
Ха-ха
0
Ого
0
Сумна
1
Абуральна
0

Chočaš padzialicca važnaj infarmacyjaj ananimna i kanfidencyjna?