Padrabiaznaści hetaj žudasnaj avaryi raspaviadali amal usie ŚMI: «Na vulicy 1905 hoda ŭ listapadzie 2022 hoda hruzavik Volvo razdušyŭ aŭtamabil taksi. Mašynu skamiačyła pamiž furaj i aŭtobusam, ad lehkavika ničoha nie zastałosia. Kiroŭca taksi i pasažyrka zahinuli adrazu, viadoma, što dziaŭčyna sieła ŭ taksi za niekalki siekundaŭ da DTZ…»

Spačatku hučała viersija, što ŭ hruzavika sapsavalisia tarmazy, padčas suda stała viadoma, što aŭto było całkam spraŭnaje.

Sa słoŭ mužčyny, jon zasnuŭ za rulom, a pračnuŭsia ad mocnaha ŭdaru.

Paśla DTZ kiroŭca ŭciok ź miesca zdareńnia, ale jaho zatrymali ŭ toj ža dzień. Asobu mužčyny vyśvietlili: jon naradziŭsia ŭ Biełarusi ŭ Kalinkavičach.

«Prašu prabačeńnia pierad usimi za svaje dziejańni i prašu pierad Boham, što mnie tolki zastajecca. Ja chaču pakajacca pierad usimi rodnymi za svaje dziejańni, ja nie chacieŭ hetaha», — skazaŭ vinoŭnik DTZ.

Viačasłaŭ Pivavar. Fota: sajt blizko.by

Viačasłaŭ Pivavar. Fota: sajt blizko.by

Niadaŭna sud asudziŭ Viačasłava Pivavara da 12 hadoŭ pazbaŭleńnia voli z adbyvańniem pakarańnia ŭ papraŭčaj kałonii ahulnaha režymu z pazbaŭleńniem prava kiravać transpartnym srodkam na try hady. Prysud jon vysłuchaŭ moŭčki, zakryŭšy tvar rukami, paviedamlaje Blizko.by.

Клас
1
Панылы сорам
0
Ха-ха
0
Ого
2
Сумна
6
Абуральна
5