Baćki Kapkaniec z synam 

 Baćki Kapkaniec z synam 

Cieły zabitych z ahniastrelnymi ranieńniami byli znojdzienyja ŭ pryvatnym žyłym domie.

Jak piša «Astra», 27 kastryčnika žycharcy Vałnavachi Taćcianie Kapkaniec spoŭniŭsia 51 hod. Siamja sabrałasia ŭ domie na vulicy Danieckaj i adznačała śviata.

A ŭ noč z 27 na 28 kastryčnika nieviadomyja pranikli ŭ dom i rasstralali ŭsich, chto znachodziŭsia ŭ im, uklučajučy dvuch maleńkich dziaciej. U momant rasstrełu ŭsie achviary spali.

Akramia Taćciany Kapkaniec, zastrelili jaje muža — 53-hadovaha Eduarda, ich synoŭ — Andreja i Alaksandra.

Zabili taksama žonku Andreja — Natašu, ich dvaich dziaciej — 4-hadovaha Mikitu i vučanicu małodšych kłasaŭ Naściu.

Andrej z žonkaj Natašaj

Andrej z žonkaj Natašaj

Mikita i Naścia

Mikita i Naścia

Akramia taho, złačyncy rasstralali žonku Alaksandra — Kaciarynu i jaje brata — 19-hadovaha Dźmitryja Chacinskaha.

Alaksandr z Kaciarynaj

Alaksandr z Kaciarynaj

19-hadovy brat Kaciaryny Dźmitryj Chacinski

19-hadovy brat Kaciaryny Dźmitryj Chacinski

Jak raspaviali susiedzi i svajaki zabitych, złačynstva ŭčynili rasijskija vajskoŭcy. Padazravanych u spravie, papiarednie, dahetul niama.

Vałnavacha da pačatku poŭnamaštabnaha ŭvarvańnia RF va Ukrainu znachodziłasia pad kantrolem ukrainskich uładaŭ. Rasijskija vajskoŭcy i atrady samaabvieščanaj «DNR» zachapili horad u siaredzinie sakavika 2022 hoda.

Клас
1
Панылы сорам
2
Ха-ха
0
Ого
2
Сумна
26
Абуральна
54