Padčas cyrymonii ŭznaharodžańnia. Adnym z łaŭreataŭ premii imia Alesia Adamoviča stała Hanna Kandraciuk (źleva) za knihu «U pryścienku staroha lesu. Historyi ludziej ź Biełaviežskaj puščy». Uznaharodu ŭručaje staršynia Biełaruskaha PENa Taćciana Niadbaj. Fota: Aleś Arkuš

Padčas cyrymonii ŭznaharodžańnia. Adnym z łaŭreataŭ premii imia Alesia Adamoviča stała Hanna Kandraciuk (źleva) za knihu «U pryścienku staroha lesu. Historyi ludziej ź Biełaviežskaj puščy». Uznaharodu ŭručaje staršynia Biełaruskaha PENa Taćciana Niadbaj. Fota: Aleś Arkuš

Tak, pieramožcaj premii imia Alesia Adamoviča stała Hanna Kandraciuk za knihu «U pryścienku staroha lesu. Historyi ludziej ź Biełaviežskaj puščy». Žury sfarmulavała admietnaść tvoru aŭtarki tydniovika biełarusaŭ Polščy «Niva» nastupny čynam — «za aktualizacyju tradycyj jeŭrapiejskaha repartažu». «U pryścienku staroha lesu» — heta zbornik repartažaŭ, jakija Hanna Kandraciuk piša pa Biełastoččynie z 1990-ch hadoŭ. Pavodle žurnalistki, kniha — heta padarožža praz čas i prastoru.

Hetaksama premijaj imia Alesia Adamoviča była hanaravana kniha turemnych apaviadańniaŭ Maksima Znaka «Zekamieron», jakuju biełaruski juryst napisaŭ u źniavoleńni. «Za čałaviečuju hodnaść, svabodu dumki i tvorčaści ŭ niečałaviečych umovach» — tak hučała abhruntavańnie žury vyłučyć tvor.

Pieramožcaj ža premii imia Franciška Bahuševiča była nazvanaja historyk i daśledčyca Taćciana Astroŭskaja.

Sioleta manahrafija aŭtarki «Kultura i supraciŭ. Intelihiencyja, inšadumstva i samvyd u Savieckaj Biełarusi (1968—1988)» była taksama adznačanaja premijaj Mižnarodnaha kanhresa daśledčykaŭ Biełarusi za najlepšyja navukovyja publikacyi. Daśledavańnie Taćciany Astroŭskaj pryśviečana kulturnickamu zmahańniu z aŭtarytaryzmam u 1960-ja — 1980-ja hady.

Premija imia Franciška Bahuševiča — štohadovaja litaraturnaja premija, zasnavanaja ŭ 1994 hodzie. Jana tradycyjna ŭručajecca za vydatnuju histaryčnuju prozu aŭtaram i aŭtarkam knih, što spryjajuć abudžeńniu histaryčnaj śviadomaści i nacyjanalnaj niezaležnaści čytačoŭ.

Клас
5
Панылы сорам
0
Ха-ха
1
Ого
0
Сумна
0
Абуральна
0