Alaksandr Łukašenka. Fota: «Puł pieršaha»

Alaksandr Łukašenka. Fota: «Puł pieršaha»

«Heta biada. Blizki Uschod — heta voś jak tut u nas zaŭsiody byŭ teatr vajennych dziejańniaŭ, to i Blizki Uschod, kali vybuchnie, to tam budzie horača ŭsim. Jon budzie padahravać i nas, i tudy dalej na poŭnač usie krainy. Jak tam budzie raźvivacca situacyja, adnamu Bohu viadoma. Heta ž amierykosy zakručvajuć tam ciapier hetuju ŭsiu kaniciel, — skazaŭ Alaksandr Łukašenka.

Jon zajaviŭ, što «treba stvarać Paleścinskuju dziaržavu».

«Tak, jak było ŭ 1947 hodzie pryniata rašeńnie. Čaho tut napadać na hetaha biednaha Huteryša (hienieralny sakratar AAN. — NN) — «nie toje lapnuŭ»? Jon pravilna skazaŭ. U žudasnych umovach žyvuć ludzi. Im treba stvaryć dziaržavu. Skazać: nie aŭtanomija paleścinskaja — voś vaša dziaržava, a voś jaŭrejskaja dziaržava. Sieści i damovicca raz i nazaŭždy. Buduć miežy, jany buduć žyć u svajoj dziaržavie. Tady im možna i vystaŭlać pretenzii. Čaho ž ludziej pad ziamlu zahnali i patrabujem ad ich, kab jany kryčali: «Ura, ura, vy, izrailcianie, małajcy, majecie racyju»?».

Jon dadaŭ, što «ni izrailskamu narodu, ni paleścinskamu kanflikt i vajna nie patrebnyja». «Jany chočuć spakojna žyć, hadavać dziaciej», — skazaŭ jon.

«A nasielnictva tam [na paleścinskich terytoryjach] vy bačycie: nijakija dyvanovyja bambiožki nie dapamohuć. Heta budzie eskałacyja i ŭciahvańnie novych krain u hety kanflikt. (…) Kali amierykancy, padciahnuŭšy tudy hetyja ŭdarnyja avijahrupy, avijanoscy, pačnuć bambić ź Mižziemnaha mora (choć nie dumaju, što jany varjaty) niejkija krainy i asabliva Iran, to Iran adkaža».

«I nie fakt, što avijanosiec vystaić u Mižziemnym mory. Patopić. Heta katastrofa. Tamu vielmi šmat takich rečaŭ, jakija kažuć pra toje, što moža ŭspychnuć surjozny kanflikt, a moža być i vajna z užyvańniem samaj surjoznaj zbroi. Nichto nie viedaje, jak buduć raźvivacca padziei. Navat tyja, chto tam zavaryŭ hetuju kašu, — amierykancy, — jany nie viedajuć, u što heta vyljecca», — skazaŭ Łukašenka.

«Ale na miescy araby ich papiaredžvajuć — šyity i inšyja. Jany ž nanosiać udar pa ich bazach u Siryi i inšaje — tam, dzie amierykanskija bazy raźmieščanyja. Jany ich papiaredžvajuć: chłopcy, my nie tyja, što byli 10 hadoŭ tamu», — dadaŭ Łukašenka.

Čytajcie taksama:

Izrail asudziŭ vizit pradstaŭnikoŭ CHAMAS u Rasiju i zaklikaŭ «nieadkładna vyhnać terarystaŭ»

CHAMAS paviedamiŭ pra śmierć 50 zakładnikaŭ

Bajden: Paleścina i Izrail pavinny isnavać mirna ŭ jakaści dźviuch niezaležnych krain

Клас
1
Панылы сорам
20
Ха-ха
13
Ого
0
Сумна
1
Абуральна
6