Robiert Hołab całujecca sa staršynioj Jeŭrakamisii Ursułaj fon der Lajen padčas samitu NATO ŭ Vilni 12-13 lipienia 2023 hoda. Fota: Pavel Golovkin / AP

Robiert Hołab całujecca sa staršynioj Jeŭrakamisii Ursułaj fon der Lajen padčas samitu NATO ŭ Vilni 12-13 lipienia 2023 hoda. Fota: Pavel Golovkin / AP

Hołaba abvinavačvajuć va ŭmiašańni ŭ pytańnie pra datu zatrymańnia padazravanych u špijanažy. Śćviardžajuć, što pieršapačatkovaja data była zapłanavanaja na nastupny dzień paśla važnaha refierendumu, i Hołab nibyta nie chacieŭ, kab hetaja sprava zaciamniła pośpiech urada, piša «Jeŭrapiejskaja praŭda».

Abvinavačvańnie pastupiła ad byłoj ministarki ŭnutranych spraŭ Taćciany Bobnar, jakaja pasvaryłasia z Hołabam z-za, pavodle jaje słoŭ, nieabhruntavanaha cisku na palicyju i padała ŭ adstaŭku ŭ śniežni minułaha hoda, prapracavaŭšy ŭsiaho šeść miesiacaŭ.

Na hetym tydni Bobnar dała pakazańni dla parłamienckaha rasśledavańnia adnosna imaviernaha cisku na pravaachoŭnikaŭ. I choć hetaja častka jaje pakazańniaŭ nie była publičnaj, jaje zajavy chutka pratačylisia ŭ ŚMI.

Hołab adchiliŭ abvinavačvańni, zajaviŭšy, što «heta jašče adna halucynacyja, jakaja zusim nie adpaviadaje rečaisnaści».

«Nivodny premjer-ministr nie moža hetaha damahčysia, nie kažučy ŭžo pra toje, kab patrabavać hetaha», — zajaviŭ jon u viačernim telešou ŭ sieradu, majučy na ŭvazie nibyta jaho patrabavańnie pieranieści datu.

Jaho zajava była padtrymanaja SOVA (Nacyjanalnaj słužbaj raźviedki i biaśpieki), jakaja zrabiła redkuju publičnuju zajavu. Słužba nazvała łžyvymi śćviardžeńni, što Hołab paŭpłyvaŭ na čas zatrymańnia.

SOVA zajaviła, što płanavała svaju dziejnaść sumiesna sa śpiecyjalnym padraździaleńniem palicyi, viadomym jak Nacyjanalnaje biuro rasśledavańniaŭ, a mahčymyja daty prapanavaŭ dyrektar ahienctva, «zychodziačy z apieratyŭnych i taktyčnych mierkavańniaŭ, i, biezumoŭna, nie na prośbu premjer-ministra ci kaho-niebudź inšaha».

Ciapier hetyja abvinavačvańni razhladaje parłamienckaja kamisija pa nahladzie za raźviedkaj i słužbami biaśpieki. Staršynia kamisii i apazicyjny deputat Viktar Žakiel zajaviŭ, što infarmacyja, jakuju jany majuć, supiarečlivaja i zasłuhoŭvaje dalejšaha rasśledavańnia.

Pa słovach Žakiela, parłamientaryi chočuć vyznačyć, «ci była data aryštu abranaja prafiesijna abo palityčna».

Bobnar, jakaja ciapier pracuje daradcaj prezidenta, paćvierdziła svaju zajavu paśla piarečańnia Hołaba.

«Jana ćviorda staić na svaich pakazańniach i čakaje, što śledčaja kamisija vykanaje svaju pracu, niezaležna ad roznaha palityčnaha cisku», — zajavili ŭ ofisie prezidenta Natašy Pirc-Musar.

Refierendum u Słavienii adbyŭsia 27 listapada 2022 hoda, a pra zatrymańnie dvuch rasijskich špijonaŭ stała viadoma ŭ kancy studzienia 2023 hoda.

Dvoje rasijskich ahientaŭ z hramadzianstvam adnoj z paŭdniovaamierykanskich krain pracavali pad falšyvymi imionami, ich zatrymali ŭ arandavanym ofisie ŭ Lublanie.

Čytajcie taksama:

Sustreča suśvietnych lidaraŭ u Vilni. Najlepšyja foty

Vyšyvanka Zialenskaj, miatnaja dvojka premjera Danii, niudavyja tufli Kałas i štany-pałaca Miełoni. Jakija kaściumy abrali palityki dla sustrečy NATA ŭ Vilni

Za kulisami Hienasamblei AAN: voś jak Łukašenka prajhraŭ Słavienii 38:153

Клас
3
Панылы сорам
0
Ха-ха
0
Ого
7
Сумна
0
Абуральна
13