Li Kecian. Fota: AP Photo / Ng Han Guan, File

Li Kecian. Fota: AP Photo / Ng Han Guan, File

Były premjer Dziaržsavieta Kitaja (najvyšejšy vykanaŭčy orhan krainy) Li Kecian pamior va ŭzroście 68 hadoŭ, piša RBK.

Li Kecian znachodziŭsia ŭ adpačynku ŭ Šanchai. 26 kastryčnika ŭ palityka zdaryŭsia sardečny prystup. Miedyki pasprabavali jaho vyratavać, ale na nastupny dzień jon pamior.

Li Kecian byŭ pryznačany premjeram Dziaržsavieta Kitaja ŭ sakaviku 2013 hoda, u 2018-m jaho pieraabrali kiraŭnikom urada na druhi piacihadovy termin. U sakaviku 2023 hoda jon pakinuŭ pasadu.

Da svajoj adstaŭki Li Kecian byŭ druhim pa ŭpłyvie čałaviekam u Kampartyi. Uznačaliŭšy ŭrad, svajoj asnoŭnaj zadačaj jon nazyvaŭ rašeńnie kompleksu sacyjalna-ekanamičnych pytańniaŭ, takich, jak biespracoŭje, roźnica ŭ dachodach haradskoha i sielskaha nasielnictva, urbanizacyja krainy. Ekanamist pavodle adukacyi, jon adkazvaŭ za reformy ŭ hetaj halinie, a taksama papiaredžvaŭ ab prablemach, jakija stajać pierad ekanomikaj praz strohija abmiežavańni, uviedzienyja ŭ suviazi z pandemijaj COVID-19.

Apošnija hady rola Li ŭ vyrašeńni ekanamičnych pytańniaŭ źmienšyłasia paśla taho, jak Si pieradaŭ ich šerahu partyjnych kamitetaŭ, jakija ŭznačalvaje sam lidar Kitaja i jahony daradca Lu Che.

Na pasadzie vice-premjera (2008—2013) Li Kecian, akramia ekanomiki, kuryravaŭ pytańni enierhietyki, budaŭnictva i achovy zdaroŭja. 

Čytajcie taksama:

Pamior mastak Uładzimir Łukašyk

Pamior lehiendarny Bobi Čarłtan

Pamierła słavutaja łyžnica i bijatłanistka Anfisa Razcova

Клас
1
Панылы сорам
2
Ха-ха
0
Ого
2
Сумна
2
Абуральна
0