Ilustracyjny zdymak. Fota: «Naša Niva»

Ilustracyjny zdymak. Fota: «Naša Niva»

Nie pračytaŭ SMS — staŭ uchilistam?

U zakonaprajekcie «Ab źmianieńni zakonaŭ pa pytańniach zabieśpiačeńnia nacyjanalnaj biaśpieki», apublikavanym na Nacyjanalnym pravavym partale, siarod šerahu prapanavanych źmien jość nastupnaja: «Hramadzianie mohuć być apavieščanyja ab nieabchodnaści jaŭki ŭ vajenny kamisaryjat (adasoblenaje padraździaleńnie), upraŭleńnie Kamiteta dziaržaŭnaj biaśpieki pa vobłaści z dapamohaj SMS-paviedamleńnia».

Mnohija apasajucca, što kali źmieny buduć pryniatyja, to luby pryzyŭnik zmoža lohka stać uchilistam, bo zamiest uručeńnia pozvy vajenkamatu dastatkova budzie adpravić SMS-ku.

Nie zaŭvažyć paviedamleńnie vielmi prosta. Dy i nielha vyklučać, što na momant adpraŭki SMS atrymalnik nie budzie znachodzicca za miažoj i paviedamleńnie prosta nie dojdzie svoječasova.

Jurysty servisu biaspłatnaj i ananimnaj jurydyčnaj dapamohi LegalHub tłumačać, što, zhodna z zakonaprajektam, vykarystoŭvajuć SMS dla vykliku vajennaabaviazanych płanujuć tolki ŭ nastupnych vypadkach:

1) pry pryzyvie na vajennuju słužbu pa mabilizacyi;

2) pry vykliku ŭ vajenkamat dla metaŭ voinskaha ŭliku.

Vykarystańnie SMS-paviedamleńniaŭ dla vykliku pryzyŭnikoŭ na terminovuju vajennuju słužbu, słužbu ŭ reziervie, a aficeraŭ zapasu — na vajennuju słužbu aficeraŭ pa pryzyvie, prajektam zakona nie praduhledžana. 

A što, kali pozvu dašluć na e-mail?

Zvyčajny e-mail dla rassyłki pozvaŭ budučym sałdatam terminovaj słužby nie praduhledžany zakonaprajektam.

«U dačynieńni da vykliku pryzyŭnikoŭ na mierapryjemstvy pa pryzyvie na terminovuju vajennuju słužbu, słužbu ŭ reziervie dadadziena mahčymaść vykarystańnia nacyjanalnaj paštovaj elektronnaj sistemy dla nakiravańnia pozvaŭ.

Taki sposab dastaŭki pozvaŭ praduhledžany tolki dla vypadku, kali pryzyŭnik pa jakoj-niebudź pryčynie nie atrymaŭ pozvu asabista pad raśpisku», — tłumačać jurysty.

Pry hetym dastavić zakazny list u elektronnaj formie možna tolki ŭ tym vypadku, kali ŭ pryzyŭnika jość elektronnaja paštovaja skrynia ŭ nacyjanalnaj paštovaj elektronnaj sistemie

(u adpaviednaści z p. 19 Pałažeńnia ab paradku funkcyjanavańnia nacyjanalnaj paštovaj elektronnaj sistemy).

Nacyjanalnaja elektronnaja paštovaja sistema — sistema, jakaja dazvalaje abličbavać pierasyłku prostych i zakaznych listoŭ, u tym liku z paviedamleńniem ab atrymańni, i paćvierdzić fakt ich ŭručeńnia (dastaŭki).

U astatnich vypadkach taki list dastaŭlajuć hetak ža, jak i zvyčajny — u piśmovaj formie (č.3 p. 23 Pałažeńnia ab paradku funkcyjanavańnia nacyjanalnaj paštovaj elektronnaj sistemy).

Jurysty adznačajuć, što naležnaj abviestkaj pryzyŭnika ab nieabchodnaści jaŭki na mierapryjemstvy pa pryzyvie na vajennuju słužbu, słužbu ŭ reziervie źjaŭlajecca mienavita fakt nakiravańnia zakaznoha lista z paviedamleńniem ab uručeńni, a nie fakt jaho atrymańnia pryzyŭnikom.

«Dadzienaje pałažeńnie nie źjaŭlajecca novym — jano isnuje ŭ dziejučaj redakcyi zakona «Ab vajskovym abaviazku i vajskovaj słužbie».

Ilustracyjny zdymak. Fota: «Naša Niva»

Ilustracyjny zdymak. Fota: «Naša Niva»

Jurysty padkreślivajuć jašče raz: źmieny, jakija chočuć pryniać, tyčacca mierapryjemstvaŭ pa voinskim uliku i pa pryzyvie na vajennuju słužbu pa mabilizacyi, a nie na terminovuju vajennuju słužbu abo słužbu ŭ reziervie.

Praŭki, prapanavanyja inšym zakonaprajektam («Ab źmianieńni kodeksaŭ»), uvodziać termin «jurydyčna značnaje paviedamleńnie». Jany buduć mieć značeńnie tolki dla nastupu hramadzianska-pravavych nastupstvaŭ.

Adnosiny, źviazanyja z vykanańniem vajskovaha abaviazku, nie źjaŭlajucca hramadzianska-pravavymi — tamu hetyja normy na ich nie raspaŭsiudžvajucca, tłumačać jurysty.

Normy ab jurydyčna značnych paviedamleńniach nie mohuć być užyty da vykliku pryzyŭnikoŭ i vajennaabaviazanych na mierapryjemstvy pa pryzyvu abo pa voinskim uliku.

Heta značyć, što pozvy i SMS ab vykliku pryzyŭnikoŭ i vajennaabaviazanych u vajenkamat nie źjaŭlajucca jurydyčna značnymi paviedamleńniami — tamu nie ličacca dastaŭlenymi navat u tym vypadku, kali adrasat nie atrymaŭ ci nie aznajomiŭsia ź imi pa abstavinach, jakija zaležać ad jaho.

Čytajcie taksama: 

Ministr Chrenin palacieŭ u Kitaj

Łukašenka skazaŭ, što jon zaŭziaty prychilnik ES

Клас
6
Панылы сорам
14
Ха-ха
1
Ого
0
Сумна
1
Абуральна
5