Žury premii ŭ składzie 16 čałaviek budzie aceńvać kinaraboty ŭ trynaccaci naminacyjach.

Samymi pradstaŭničymi akazalisia naminacyi «Najlepšy dakumientalny karotkamietražny film» i «Najlepšy ihravy karotkamietražny film» — u ich spaborničajuć pa 21 karcinie. Tut pradstaŭlenyja «Mietadyčka» Paŭła Mažara, «Maładość pa-biełarusku» Ksienii Hałubovič, «Pieratrymka» Andreja Kašpierskaha, «Śmiećcievaja hałava» Juryja Siamaški, «U žyvym efiry» Mary Tamkovič.

U naminacyi «Najlepšy dakumientalny poŭnamietražny film» zajaŭlenyja 17 stužak. Tut prysutničajuć «Kali kvietki nie maŭčać» Andreja Kuciły, «Mara» Sašy Kułak, «Kuraž» («Śmiełaść») Alaksieja Pałujana i inšyja.

U katehoryi «Najlepšy ihravy poŭnamietražny film» jość adrazu dva filmy Mikity Łaŭreckaha: «Spatkańnie ŭ Minsku» i «Dziciačy film». Jany buduć spaborničać za pieramohu z «Leta 1989» Uładzimira Kazłova, a taksama stužkami «Kamiery ŭ vačach» i «Siemjanin» Viktara Lebiedzieva i Hanny Den.

U naminacyi «Najlepšy animacyjny film» — siem kankursantaŭ. Heta «Admova» i «Viačera ź indykom» Hleba Kufcieryna, «Hory» Alaksandry Pakaciłavaj, «The primitives» i «Skačok» Hienadzia Buto, «Shirey Mara» Naty Karniejevaj i «Maja dziaŭčyna-kaka» Mikity Łaŭreckaha.

Taksama łaŭreataŭ buduć vybirać u katehoryjach «Najlepšy aktor», «Najlepšaja aktorka», «Najlepšaja praca apieratara», «Najlepšy scenar», «Najlepšaje mastackaje rašeńnie», «Najlepšy saunddyzajn», «Adkryćcio hoda» i inšych.

Biełaruskaja premija kinakrytykaŭ «Čyrvony vieras» ładzicca z 2021 hoda i adznačaje najlepšyja dasiahnieńni ŭ śfiery biełaruskaha kino, jakoje stvarajuć biełarusy pavodle hramadzianstva albo nacyjanalnaści ŭ krainie i za jaje miežami. 

Čytajcie taksama:

20 hadoŭ klipu na pieśniu «Hości». Što stała ź jaho hierojami?

Pamior režysior stužki «Daroha na Kurapaty», zdymać jakuju dapamahaŭ Zianon Paźniak

Praź miesiac startuje biaspłatny anłajn-kinafiestyval. Što pakažuć?

Клас
1
Панылы сорам
0
Ха-ха
0
Ого
0
Сумна
1
Абуральна
0