Ilustracyjnaje fota «Naša Niva»

Ilustracyjnaje fota «Naša Niva»

Ministerstva transpartu i kamunikacyj rychtuje prajekt ukaza prezidenta ab rabocie maršrutnych taksi, paviedamiŭ kiraŭnik viedamstva Alaksiej Lachnovič, adkazvajučy na pytańni parłamientaryjaŭ, piša «Sputnik».

Pytańnie tyčyłasia taho, jakija dakumienty raspracoŭvajucca ŭ metach pavyšeńnia kantrolu za ažyćciaŭleńniem pasažyrapieravozak aŭtamabilami taksi (tak zvanymi «maršrutkami»).

«My surjozna padyšli da hetaha pytańnia, rychtujecca prajekt ukaza prezidenta», — skazaŭ ministr.

Pavodle jaho słoŭ, prajekt ukaza nakiravany na pytańni ažyćciaŭleńnia kantrolu pieravozčykami.

«U prajekcie ŭkaza buduć rejestry pieravozčykaŭ, dyśpietčaraŭ, kiroŭcaŭ, i aŭtamabilaŭ taksi», — adznačyŭ kiraŭnik Mintransa.

Akramia hetaha, u prajekt dakumienta ŭnosicca norma adnosna taho, kab za parušeńni možna było prypyniać dziejnaść pieravozčykaŭ.

U Biełarusi apošnim časam adbyłosia niekalki rezanansnych DTZ z udziełam maršrutnych taksi na mižharodnich maršrutach, u tym liku z hibiellu ludziej.

Adno z takich DTZ adbyłosia ŭ Smalavickim rajonie, dzie sutyknulisia MAZ i maršrutnaje taksi. Tady zahinuli kiroŭca maršrutki i 12 pasažyraŭ. Paśla avaryi było ŭźniata pytańnie ab kompleksnych pravierkach pieravozčykaŭ i padrychtoŭcy novych zakanadaŭčych dakumientaŭ.

Čytajcie taksama:

Na trasie Minsk — Homiel adbyłosia surjoznaje DTZ z udziełam maršrutki

«Była bitva za kvitki». Čerhi na maršrutki ź Minska ŭ Barysaŭ i Žodzina bjuć rekordy

Vyniesieny prysud kiroŭcu MAZa, abvinavačanaha ŭ hibieli 13 čałaviek u DTZ pad Smalavičami

Клас
2
Панылы сорам
1
Ха-ха
1
Ого
0
Сумна
0
Абуральна
1