Pavodle źviestak telekanała, letam 2023 hoda supracoŭniki Słužby dziaržachovy Polščy nibyta vyjavili ŭ adnym z aŭtamabilaŭ kancylaryi prezidenta Andžeja Dudy łakatar. Heta adbyłosia padčas pracedury ahladu aŭtamabila na vypadak, kali ŭ im zakłali vybuchny zarad.

Łakatar dazvalaŭ adsočvać miescaznachodžańnie aŭto ŭ režymie realnaha času. TVN24 śćviardžaje, što aŭto ŭvachodziła ŭ skład karteža, jaki supravadžaŭ Dudu ŭ pryvatnaści padčas pajezdak va Ukrainu — ale sam Duda ŭ im nie jeździŭ.

Supracoŭnik Słužby dziaržaŭnaj achovy Polščy na ŭmovach ananimnaści raspavioŭ telekanału, što mašyna mahła jeździć z łakataram «niekalki miesiacaŭ». Paśla incydentu śpiecsłužby pačali praviarać usie aŭto, jakija supravadžajuć pieršych asob krainy.

U kancylaryi prezidenta ŭ adkaz na zapyt TVN24 zajavili, što nie kamientujuć pytańniaŭ, źviazanych z zabieśpiačeńniem biaśpieki pieršaj asoby dziaržavy, ale ŭdakładnili, što rašeńnie ab pravierkach aŭto prymaje mienavita Słužba dziaržachovy.

Rasśledavańniem incydentu pavinna było zaniacca Ahienctva ŭnutranaj biaśpieki Polščy, ale nieviadoma, ci sapraŭdy jano adbyłosia i jakija byli jaho vyniki.

ŚMI raniej paviedamlali, što supracoŭniki vyviedki Vialikabrytanii vyjavili prynamsi adnu pryładu sačeńnia kitajskaj vytvorčaści padčas płanavaj pravierki aŭtamabilaŭ uradavych i dypłamatyčnych viedamstvaŭ.

Клас
0
Панылы сорам
3
Ха-ха
0
Ого
3
Сумна
0
Абуральна
8