Žazep Barel u Kijevie. 2 kastryčnika 2023 hoda. Fota: Efrem Lukatsky / AP
Premjer-ministru Vienhryi Viktaru Orbanu nahadali, što nichto nie abaviazvaje jaho krainu być siabram Jeŭrapiejskaha Sajuza. Pra heta zajaviŭ kiraŭnik dypłamatyi ES Žazep Barel, paviedamlaje RBK-Ukraina.
Barel adznačyŭ, što Vienhryja viedaje pra akupacyju jašče z savieckich časoŭ.
«Ščyra kažučy, ja nie baču nijakaha padabienstva pamiž savieckaj akupacyjaj Budapiešta i tym, što adbyvajecca ŭ Bierłamonie (budynak u Brusieli, dzie znachodzicca štab-kvatera Jeŭrakamisii — NN). Ja nie bačyŭ nivodnaha tanka tam. Nichto nie abaviazvaje Vienhryju być siabram ES», — adznačyŭ Barel.
Raniej Viktar Orban u dzień hadaviny antysavieckaj revalucyi ŭ Vienhryi 1956 hoda paraŭnaŭ siabroŭstva ŭ ES z savieckaj akupacyjaj.
Premjer abvinavaciŭ Jeŭrasajuz u sprobach pazbavić jaho krainu samabytnaści i naviazać joj libieralnuju demakratyju. Takuju ideałohiju vienhry nibyta adprečvajuć.
Jon taksama nazvaŭ Brusel «drennaj sučasnaj parodyjaj» Maskvy.
Čytajcie taksama:
Tramp nazvaŭ Orbana kiraŭnikom Turcyi i dadaŭ, što Turcyja miažuje z Rasijaj
Orban zajaviŭ, što choča kiravać Vienhryjaj jašče 11 hadoŭ
Orban: Pryjdzie čas, kali słabyja narody zahinuć, a mocnyja vyžyvuć
