Palina Šarenda-Panasiuk u sudzie 8 červienia 2021 hoda. Fota: Biełsat

Palina Šarenda-Panasiuk u sudzie 8 červienia 2021 hoda. Fota: Biełsat

«Ahulnaje ŭražańnie, što Palina pačuvajecca krychu lepš, čym raniej, ale jość i nazirańni, jakija niepakojać. Skazaŭ čałaviek, jaki z Palinaj sustreŭsia, što ciełam jana schudniełaja, a voś tvar čamuści apuchły, blakły.

A sama Palina bolš niepakoicca pra toje, što ź joju budzie ŭ kałonii ŭ Zareččy, kali apielacyja nie dapamoža. Kaža pra vielmi drennyja ŭmovy ŭ kałonii, nie choča tudy znoŭ traplać», — raskazaŭ Andrej Šarenda.

9 kastryčnika nad Palinaj Šarendaj-Panasiuk adbyŭsia druhi sud, jaki prysudziŭ joj jašče adzin hod źniavoleńnia pavodle 411 artykuła Kryminalnaha kodeksa — za złosnaje niepadparadkavańnie patrabavańniam administracyi papraŭčaj ustanovy.

Takoje pakarańnie ŭ žniŭni palitźniavolenaja ŭžo adbyła, pakul znachodziłasia ŭ kałonii № 24 u Zareččy Rečyckaha rajona, ale adtul na volu jana tak i nie vyjšła. Na apošnim pracesie ŭ Rečyckim rajonnym sudzie Palina Šarenda-Panasiuk nie pryznała viny i potym abskardziła vyrak. Na čas razhladu apielacyjnaj skarhi žančynu źmiaścili ŭ Homielski śledčy izalatar.

«Umovy tam drennyja. Plus zrabili hetak, kab svajaki nie mahli pieradać joj lekaŭ, i nie prymajuć dla jaje pieradač.

Dziela hetaha paŭtaryli truk ź miecham jabłyk, jaki byŭ miesiac tamu. Znoŭ prynieśli ŭ kamieru miech jabłyk vahoj 30 kiłahramaŭ, nibyta niechta joj pieradaŭ, a ciapier nie prymajuć praduktovych pieradač ad svajakoŭ na toj farmalnaj padstavie, što zakončyŭsia miesiačny vahavy limit. Ździeki praciahvajucca», — zaznačyŭ Andrej Šarenda.

Pavodle muža palitźniavolenaj Paliny Šarendy-Panasiuk, čakać razhladu apielacyi joj daviadziecca kala dvuch miesiacaŭ.

Za kratami Šarenda-Panasiuk z 3 studzienia 2021 hoda. Pravaabaroncy pryznali jaje palitźniavolenaj.

Čytajcie taksama:

«Zmahacca, nie pakładać ruk». Palina Šarenda-Panasiuk skarystała apošniaje słova, kab źviarnucca da ludziej

Palina Šarenda-Panasiuk na sudzie zajaviła pra źbivańni i cisk u kałonii

20-hadovaha ŭdzielnika žnivieńskaj akcyi pratestu ŭ Minsku ŭ 2020 hodzie źbirajucca pieravodzić z «chimii» ŭ kałoniju

Клас
0
Панылы сорам
2
Ха-ха
3
Ого
0
Сумна
7
Абуральна
26