Dźmitryj Rahozin. Fota: Wikimedia Commons

Dźmitryj Rahozin. Fota: Wikimedia Commons

U rasparadžeńnie Bild patrapili zapisy razmoŭ byłoha kiraŭnika «Raskosmasa» Dźmitryja Rahozina ź Dźmitryjem Baranavym — hiendyrektaram rakietna-kaśmičnaha centra «Prahres».

Z pačatku studzienia 2023 hoda jany abmiarkoŭvali techničnyja detali arhanizacyi ŭdaru pa bujnym horadzie Ukrainy pry dapamozie rakiety-nośbita, jakuju vykarystoŭvajuć dla palotaŭ u kosmas.

Čynoŭniki vyrašyli, što aptymalniej za ŭsio zapuścić jaje z kasmadroma ŭ Plasiecku ŭ Archanhielskaj vobłaści z vybuchoŭkaj na borcie.

Pa słovach Baranava, hałoŭnaja prablema ŭ tym, što z-za zvyšhukavoha ŭvachodu ŭ atmaśfieru isnyja ciažkija fuhasnyja avijabomby abo kiravanyja bojehałoŭki buduć pierahravacca pry chutkaści 6 km/s.

Rahozin paabiacaŭ paraicca pra heta z kanstruktaram Juryjem Sałamonavym. Praź niekalki dzion toj znajšoŭ rašeńnie. Jašče adna ryzyka, jakuju abmiarkoŭvali Rahozin i Baranaŭ, — toje, što častki rakiety mohuć upaści na terytoryju RF. Ich taksama turbavała, što chibnaść pry ŭdary moža skłaści ad 50 da 100 km.

Rahozin pytaŭsia Baranava, kolki času jamu spatrebicca na padrychtoŭku apieracyi. Toj adkazvaje, što kala šaści miesiacaŭ. Eks-kiraŭnik «Raskosmasa» nazyvaje Uładzimira Pucina «našym vialikim i žachlivym» i kaža, što pieradaść jamu płan praz kiraŭnika Administracyi prezidenta Antona Vajno.

Pavodle źviestak Bild, płan byŭ daviedzieny da prezidenta RF 16 studzienia 2023 hoda. Jak jon adreahavaŭ na jaho — nieviadoma.

Čytajcie taksama:

Rahozin: Źviestki pra moj pryjezd u Danieck chtości źliŭ

Rakieta prylacieła ŭ restaran u Daniecku, dzie Rahozin adznačaŭ dzień naradžeńnia VIDEA

Rahozin pajechaŭ «vajavać suprać NATA» ŭ nataŭskaj ekipiroŭcy

Клас
0
Панылы сорам
7
Ха-ха
3
Ого
2
Сумна
1
Абуральна
9