Žančyny prachodziać mima prapahandysckaha płakata, jaki rekłamuje słužbu pa kantrakcie ŭ rasijskaj armii. Fota: Getty Images

Žančyny prachodziać mima prapahandysckaha płakata, jaki rekłamuje słužbu pa kantrakcie ŭ rasijskaj armii. Fota: Getty Images

Surazmoŭcy ŭdakładnili, što raniej takich rekamiendacyj nie było — i niekatoryja praŭładnyja ŚMI z zadavalnieńniem publikavali padobnyja naviny. «Kryminał zaŭsiody daje dobry trafik, a zhadka pra SVA ŭ zahałoŭku padahravaje aŭdytoryju, robić navinu bolš klikabielnaj», — patłumačyła adna z krynic.

Naprykład, u siaredzinie kastryčnika «Lenta.ru» paviedamlała ab tym, što «były vahnieraviec viarnuŭsia z SVA i zarezaŭ babulu-invalida z-za hrošaj».

Padobnyja publikacyi taksama rehularna zjaŭlalisia ŭ praŭładnych telehram-kanałach i rehijanalnych ŚMI, padkantrolnych miascovym administracyjam.

Surazmoŭca «Mieduzy», blizki da AP, rastłumačyŭ, što abmiežavańni na takija naviny «naśpieli, kab rasiejcy nie ličyli bajcoŭ patencyjnymi złačyncami, nie bajalisia ich viartańnia».

Jon taksama adznačyŭ, što pa-sapraŭdnamu «patryjatyčnyja žurnalisty» i da rekamiendacyj Kramla razumieli niedarečnaść takich publikacyj. Tak, na sajtach papularnych tabłoidaŭ «Kamsamolskaja praŭda» i «Maskoŭski kamsamolec» niama navin ab złačynstvach, učynienych udzielnikami vajny. Zatoje možna znajści niamała stanoŭčych tekstaŭ ab ich. Naprykład, «KP» raspaviadała, jak «bajec SVA» niečakana pryjšoŭ u škołu da svajoj dački i padaryŭ joj kvietki, a inšy vajskoviec viarnuŭsia z Ukrainy «z bukietami dla žonki i maci».

Krynica «Mieduzy», blizkaja da administracyi prezidenta, padkreśliła: «Jość žadańnie pakazać, što z frontu viartajucca realna vietlivyja, čułyja i kłapatlivyja ludzi».

Čytajcie taksama:

Zialenski paprasiŭ ukrainskich žurnalistaŭ nie pisać pra karupcyju ŭ vojsku «da pieramohi»

Prapahandysty raskryli jašče adnu tuhu emihranta — pa haspadarčym myle

Hałoŭred SB: Kali vy pačuli słovy «pravy čałavieka», viedajcie, hety čałaviek — vorah našaj krainy

«Pakul araby režuć hałovy jaŭrejam, dobryja ruskija staviacca da chachłoŭ zanadta humanna». Novy naratyŭ prapahandy

Клас
1
Панылы сорам
8
Ха-ха
16
Ого
0
Сумна
1
Абуральна
3