Maryja Zacharava. Fota: Contributor / Getty Images

Maryja Zacharava. Fota: Contributor / Getty Images

17 kastryčnika na jutub-kanale žurnalista Alaksandra Valdmana vyjšła intervju Satanoŭskaha, u jakim jon, u pryvatnaści, zajaviŭ, što «namieśnik ministra zamiežnych spraŭ Michaił Bahdanaŭ buchaŭ jak nie ŭ siabie».

Pra aficyjnuju pradstaŭnicu MZS RF Maryju Zacharavu Satanoŭski skazaŭ, što jana «ŭ pryncypie habrejaŭ nie asabliva lubić, a Izrail ciarpieć nie moža i asabliva hetaha nie chavaje», i nazvaŭ jaje šmaraj, jakaja «mocna vypivaje».

Hety frahmient intervju Satanoŭskaha raspaŭsiudziŭsia ŭ sacsietkach. Siońnia ŭ telehram-kanale Uładzimira Sałaŭjova źjaviłasia videa, na jakim jon, stojačy ŭ kamuflažy, vybačajecca pierad Zacharavaj i Bahdanavym i abviaščaje pra zvalnieńnie viadoŭcy:

«Ja chacieŭ by prynieści svaje prabačeńni MZS RF i nadzvyčajnym i paŭnamocnym pasłam spadaru Bahdanavu i spadaryni Zacharavaj za absalutna niespraviadlivaje pa źmieście i niedapuščalnaje pa formie vykazvańnie, dapuščanaje supracoŭnikam našaha kanała Jaŭhienam Janavičam Satanoŭskim.

Jaŭhien Janavič Satanoŭski niekalki dzion tamu ŭ hutarcy ź izrailskim žurnalistam na jaho jutub-kanale, kamientujučy situacyju na Blizkim Uschodzie, abraziŭ jak hetych pavažanych dypłamataŭ, tak i Ministerstva zamiežnych spraŭ, u vyniku čaho ja nie baču mahčymaści praciahvać prafiesijnyja adnosiny ź Jaŭhienam Janavičam i pryniaŭ rašeńnie ab zvalnieńni Satanoŭskaha z našaha kanała».

Клас
4
Панылы сорам
2
Ха-ха
63
Ого
1
Сумна
2
Абуральна
3