Viktar Babaryka. Maj 2020 hoda. Fota: sacsietki

Viktar Babaryka. Maj 2020 hoda. Fota: sacsietki

«9 listapada Viktaru Babaryku spoŭnicca 60 hadoŭ. Dla filma my źbirajem historyi, uražańni i emocyi ad biełarusaŭ i biełarusak. Chtości siabruje ź Viktaram, chtości pracavaŭ, a chtości ŭpieršyniu pra jaho pačuŭ try hady tamu. My ŭpeŭnienyja: vam taksama jość što raskazać», — paviedamlajecca ŭ telehram-kanale Viktara Babaryki. Tam ža prapanujecca pisać u bot telehram-kanała, kali jość achvota paŭdzielničać u stvareńni filma.

Eks-staršynia Biełhazprambanka i miecenat Viktar Babaryka 12 maja 2020 hoda zajaviŭ pra ŭdzieł u prezidenckich vybarach. Jaho kamanda chutka sabrała 440 tysiač podpisaŭ. 18 červienia 2020 hoda Viktar Babaryka i jahony syn Eduard, jaki ŭznačalvaŭ pieradvybarčy štab, byli zatrymanyja, kali vieźli podpisy ŭ CVK. 

Praz hod, 6 lipienia 2021 hoda, Viktara Babaryku asudzili na 14 hadoŭ kałonii pa spravie Biełhazprambanka. Pakarańnie jon adbyvaje ŭ kałonii ŭ Navapołacku.

Adnak z 25 krasavika 2023 hoda pra jaho niama nijakich źviestak. Miarkujučy z najaŭnaj infarmacyi, u noč na 25 krasavika jaho špitalizavali ŭ balnicu Navapołacka. 12 maja ad pravaabaroncaŭ źjaviłasia infarmacyja, što da svajho atrada ŭ navapołackaj kałonii jon nibyta ŭžo nie prypisany, a paźniej — pra toje, što jaho nibyta pieraviali ŭ turemnuju balnicu pry SIZA-1 u Minsku.

17 lipienia svajaki palityka trapili na pryjom u navapołackuju kałoniju. Tam im paviedamili, što Viktar Babaryka znachodzicca ŭ ich. Jaho źmiaścili ŭ pamiaškańnie kamiernaha typu (PKT), kudy adpraŭlajuć za parušeńni na peŭny termin. Skazali, što jaho zdaroŭju ničoha nie pahražaje, ale jaho samoha nie pakazali.

Čytajcie taksama:

«Biełpoł»: U Viktara Babaryki — zboi ŭ sercy

Jeŭrapiejskija dypłamaty pryjšli da budynka Viarchoŭnaha suda, kab vykazać salidarnaść ź Viktaram Babarykam

Babaryku zabyvajuć — Karbalevič

Клас
2
Панылы сорам
0
Ха-ха
0
Ого
0
Сумна
4
Абуральна
6