Ilustracyjny zdymak. Fota: «Naša Niva»

Ilustracyjny zdymak. Fota: «Naša Niva»

Pa słovach pasažyraŭ, biełaruskamoŭnych abviestak u maładziečanskich elektryčkach nie čuvać z tydzień. Z pryjomnikaŭ u vahonach hučyć tolki ruskaja mova.

«Spačatku dumaŭ, što niešta złamałasia, a potym mašynist skazaŭ, što tak treba. Niby zahadali časova nie ŭklučać biełaruskaj movy», — raskazaŭ žychar rajcentra, jaki rehularna jeździć z Maładziečna ŭ pryharadny pasiołak na daču.

Źniknieńnie biełaruskaj movy ź ciahnikoŭ na hetym kirunku zhadała i prarasijskaja aktyvistka Volha Bondarava.

«O, cud! U maładziečanskaj elektryčcy zrabili abjavy na ruskaj!» — natchniona napisała jana ŭ svaim telehram-kanale.

U kiraŭnictvie stancyi Maładziečna pasažyram nie zmahli nazvać pryčyny źniknieńnia z elektryčak abviestak na biełaruskaj movie. 

Supracoŭnik administracyi paraiŭ pazvanić u minskaje «Matoravahonnaje depo», da jakoha prypisanyja maładziečanskija elektryčki, i vyśvietlić tam, što zdaryłasia z dynamikam.

Sa słoŭ surazmoŭcy, dynamik moh złamacca.

U depo pytańniu ździvilisia i paabiacali razabracca.

U Minskim adździaleńni čyhunki zajavili: kali biełaruskaja mova i źnikła, to «tolki časova».

«A tak usie abviestki hučać na biełaruskaj movie. Jak było, tak i zastałosia. Moža, sistema złamałasia. U depo adramantujuć», — zapeŭniŭ supracoŭnik Minskaha adździaleńnia čyhunki.

U maładziečanskich elektryčkach i dyzielach abviestki pačali ahučvać pa-biełarusku z 2016 hoda.

Zhodna z rasparadžeńniem namieśnika načalnika Biełaruskaj čyhunki Uładzimira Bałachonava, pamočniki mašynista pavinny abviaščać stancyi i dadatkovuju infarmacyju na biełaruskaj movie.

Vosiem hadoŭ tamu na stancyi Maładziečna było pierakładziena kala 20 infarmacyjnych tekstaŭ. Akramia ich, pa-biełarusku rabilisia niekatoryja siezonnyja abviestki. Paźniej ich stali ahučvać u zapisanym vyhladzie.

Jak zhadvajuć pasažyry, da biełaruskaj movy jany pryzvyčailisia duža chutka. Kali jana źnikała, to patrabavali ad mašynista viarnuć jaje ŭ vahony.

Maładziečna admietny tym, što ŭ pačatku 1990-ch hadoŭ tut adbyłasia najbujniejšaja ŭ Biełarusi kampanija desavietyzacyi haradskoj tapanimiki. Savieckija nazvy vulic prybiralisia ź inicyjatyvy staršyni harvykankama Hienadzia Karpienki.

Što da inšych rehijonaŭ Biełarusi, to abviestki pa-biełarusku ŭ elektryčkach i dyzielach nie adklučali. Prablem niama i z drukam kvitkoŭ na biełaruskaj movie. Praŭda, kab mieć taki kvitok, treba nahadać kasircy, kab prabiła jaho.

Hladzicie taksama:

«Niervy słužbovych asob nie humovyja». Častka praŭładnych błohieraŭ nie ŭchvalaje pastajannyja danosy

«Bondarava — heta Hirkin, jakoha my zasłužyli»

Čynoŭnik prahavaryŭsia, jak pamirajuć zavody pry Łukašenku

Busieł z-pad Maładziečna znoŭ uciok u horad. Jon adčajna sprabuje palacieć u vyraj, ale nie atrymlivajecca

Chacieli pa-jeŭrapiejsku. Pasłuchajcie, jak pa-anhlijsku ahučyli nazvy stancyj haradskoj elektryčki AŬDYJA

Клас
4
Панылы сорам
4
Ха-ха
0
Ого
0
Сумна
4
Абуральна
29

Chočaš padzialicca važnaj infarmacyjaj ananimna i kanfidencyjna?