Pradstaŭnik Śledčaha kamiteta pryznaŭ, što stapracentnaj abarony ad kradziažu hrašovych srodkaŭ siońnia nie isnuje. «Pakul dostup da hrošaj jość va ŭładalnika, jaho moža atrymać i złačyniec», — zajaviŭ Ivan Sudnikovič na pres-kanfierencyi pa kibierbiaśpiecy, jakaja prajšła 18 kastryčnika ŭ Minsku.

Kab zachavać svaje aščadžeńni, SK rekamienduje karystacca praviłam troch rachunkaŭ.

«U asnoŭnym našy hramadzianie nie vykonvajuć jaho i akumulujuć usie hrošy na adnym rachunku. Byvaje i tak, što čałaviek zachoŭvaje źbieražeńni, jakija jon sabraŭ za ŭsio žyćcio, na tym samym rachunku, ź jakoha raźličvajecca ŭ kramie», — raskazaŭ Ivan Sudnikovič.

Praviła troch rachunkaŭ praduhledžvaje padzieł aščadžeńniaŭ na nastupnyja bankaŭskija rachunki:

  • Asnoŭny rachunak z nakapleńniaŭ (heta moža być układ u banku, kudy čałaviek kładzie hrošy pad pracenty.

  • Rachunak dla raźlikaŭ u internecie (heta moža być virtualnaja, a nie fizičnaja bankaŭskaja karta; na jaje rekamiendujecca pieraličvać roŭna tuju sumu, jakuju treba vydatkavać na kankretnuju kuplu. Takim čynam, navat kali kibierzłačyncy vykraduć danyja hetaj karty, jany zmohuć śpisać z rachunku tolki hetuju sumu, a da astatnich srodkaŭ dabracca nie zmohuć).

  • Rachunak z realnaj bankaŭskaj kartaj, ź jakoj čałaviek moža rabić štodzionnyja pakupki ŭ kramie (na jaje taksama rekamiendujuć pieraličvać stroha tuju sumu, jakuju čałaviek tracić na praciahu miesiaca).

Jašče adnym sposabam dadatkovaj abarony ad kradziažoŭ nazyvajuć strachavańnie. Ciapier, pavodle słoŭ Sudnikoviča, prapracoŭvajecca pytańnie ab tym, kab zrabić strachavańnie bankaŭskaha rachunku dla biełarusaŭ abaviazkovym.

Čytajcie taksama:

Machlary prydumali jašče adzin sposab internet-padmanu, na jaki moža trapicca kožnaja siamja

«Ci hatovy vy addavać kampanii 80 rubloŭ štomiesiac, kali budziecie zarablać 1500 dalaraŭ?» Minčanka raspaviała, jak jaje sprabavali ašukać z pracaj

Minčanka paznajomiłasia z «salidnym biznesmienam» — toj ašukaŭ jaje na 120 tysiač rubloŭ

Žychar Rečycy pradavaŭ u internecie niaisnyja smartfony. Zdoleŭ pradać 30 čałaviekam

Клас
7
Панылы сорам
4
Ха-ха
7
Ого
2
Сумна
1
Абуральна
3