Jaho asudzili za danaty biełaruskim dobraachvotnikam va Ukrainie pavodle č. 2 art. 361-3 Kryminalnaha kodeksa. Taki prysud vyniesła Viera Fiłonik pa prapanovie dziaržabvinavaŭcy Hienadzia Buraha.

Leanida zatrymali hetym letam na biełaruska-polskaj miažy, zaviali kryminalnuju spravu i źmiaścili pad vartu.

Zhodna viersii abvinavačańnia, 17 maja 2022 hoda Leanid Rajčonak pieravioŭ 400 dalaraŭ na broniekamizelki biełaruskim dobraachvotnikam, jakija vajujuć na baku Ukrainy. Druhoje achviaravańnie jon zrabiŭ na sumu 150 dalaraŭ na karyść Prague Support Team (abjadnańnie biełarusaŭ Prahi, jakija źbirajuć danaty i na ich zakuplajuć abmundziravańnie, časam na zbrojevyja aksiesuary dla biełaruskich dobraachvotnikaŭ, jakija vajujuć na baku Ukrainy).

Dziejańni bieraściejca kvalifikavali jak «finansavańnie hramadzian Respubliki Biełaruś dla ŭdziełu na terytoryi zamiežnaj dziaržavy va ŭzbrojenym farmiravańni adnaho z supraćlehłych bakoŭ va ŭzbrojenych kanfliktach, vajennych dziejańniach» pavodle č. 2 art. 361-3 KK.

Prakuror Hienadź Bury zaprasiŭ dla Rajčonka 16 kastryčnika šeść hadoŭ kałonii va ŭmovach ahulnaha režymu. Na nastupny dzień sudździa Viera Fiłonik vyniesła mienavita taki prysud.

Pra Leanida Rajčonka viadoma, što ŭ jaho dvoje niepaŭnaletnich dziaciej. «Miedyjazona. Biełaruś» źviartała ŭvahu, što supracoŭnik Viber, iOS-raspracoŭščyk Leanid Rajčonak u žniŭni 2020 hoda pakinuŭ podpis u kalektyŭnym zvarocie z asudžeńniem hvałtu siłavikoŭ, a ŭ 2021 hodzie poŭny ciozka Leanida pravodziŭ treninh pa kibierbiaśpiecy dla bresckaj inicyjatyvy «Niama miesca».

Padtrymajcie bieraściejca: SIZA-7, 224030, h. Brest, vuł. Savieckich Pahraničnikaŭ, 37, Leanid Valerjevič Rajčonak.

Čytajcie taksama:

Dvuch žycharoŭ Dokšyckaha rajona asudzili za zdymki ŭ «Adnakłaśnikach»

U Naroŭli zaviali kryminalnuju spravu suprać žycharki Homiela

Za dva kamientary ŭ adras Łukašenki aršanskaha pradprymalnika asudzili na dva hady kałonii

Клас
0
Панылы сорам
2
Ха-ха
0
Ого
0
Сумна
5
Абуральна
18