Udon

Fota: WePro / Getty Images

Łokšyna ŭdon, jakaja rodam ź japonskaj kuchni, vyrablajecca z pšaničnaj muki i adroźnivajecca ad zvykłaj tym, što jana davoli toŭstaja i ćviordaja. Hetaja makarona vielmi dobra ŭsmoktvaje sousy, tamu hałoŭnaja zadača — zrabić da jaje jakasnuju padliŭku z roznymi adcieńniami smakaŭ.

Vam spatrebicca:

  • 350 h łokšyny ŭdon
  • 1 stałovaja łyžka aleju
  • 300 h kurynaha file (biez kostak i skury, narezanaha nievialikimi kavałačkami)
  • 4 biełyja hryby (narezanyja)
  • zialonaja cybula ci pałova adnoj cybuliny-parej (narezanyja)

Aryhinalny sous:

  • 1 stałovaja łyžka kunžutnaha aleju (zamieńnik moža być inšy, ale heta źmienić smak)
  • 1/3 šklanki sojevaha sousu
  • 1 stałovaja łyžka ciomnaha sojevaha sousu
  • 2 zubki časnaku (zdrobnienyja)
  • 1 čajnaja łyžka śviežanaciortaha imbiru
  • ¼ kubka sousu chajsin
  • 1 stałovaja łyžka sousu šryrača
  • ½ šklanki kurynaha bulonu
  • čorny pierac

Kali niejkich składnikaŭ u vas niama, vy možacie pasprabavać bolš prostuju kambinacyju: naprykład, spałučyć, sojevy sous, sous teryjaki, imbir i časnyk — hetaha taksama budzie dastatkova.

Jak hatavać:

  1. Hatujcie łokšynu ŭ adpaviednaści ź instrukcyjami na ŭpakoŭcy. Dobra źlicie vadu i adrazu pramyjcie chałodnaj vadoj. Adkładzicie ŭbok.
  2. Pryhatujcie sous: źmiašajcie ŭsie składniki padliŭki ŭ miscy i ŭźbicie da adnastajnaści.
  3. Zhatujcie miasa: nahrejcie aliŭkavy alej u vialikaj patelni, dadajcie kavałački kurycy i smažcie, pakul kuryca nie pačnie źlohku padpiakacca. Dadajcie hryby i hatujcie jašče paru chvilin, pakul hryby nie pačnuć padrumiańvacca.
  4. Dadajcie łokšynu i pryhatavany sous u patelniu, dobra źmiašajcie i varycie, pakul łokšyna nie prahrejecca. Upryhožcie zialonaj cybulaj i padavajcie stravu haračaj.

 

Bolš receptaŭ:

Try recepty makarony, jakija varta dadać u mieniu

Tradycyjnyja šviedskija frykadelki ź piure i bruśničnym sousam

Jak pravilna pryhatavać chatnija zapasy i nie atrucicca imi?

«Heta, naturalna, nie supierfud». Čym karysnaja i škodnaja bulba i jak časta jaje jeści?

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?