Sutyknieńnie paleścinskich demanstrantaŭ ź izrailskimi vojskami paśla demanstracyi ŭ padtrymku siektara Haza ŭ horadzie Ramała (Zachodni bierah) u piatnicu, 13 kastryčnika. Fota: Nasser Nasse / AP

Sutyknieńnie paleścinskich demanstrantaŭ ź izrailskimi vojskami paśla demanstracyi ŭ padtrymku siektara Haza ŭ horadzie Ramała (Zachodni bierah) u piatnicu, 13 kastryčnika. Fota: Nasser Nasse / AP

Abvastrylisia taksama adnosiny pamiž habrejskimi pasialencami i paleścinskimi žycharami rehijona.

Pradstaŭnik armii abarony Izraila Daniel Chahar zaklikaŭ habrejskich pasialencaŭ na Zachodnim bierazie nie ŭmiešvacca ŭ antyterarystyčnyja apieracyi CACHAŁ i dać armii rabić svaju spravu.

Za minułyja dni adbyłosia niekalki napadaŭ na paleścincaŭ z boku pasialencaŭ.

Paviedamlajecca, što napiaredadni, u piatnicu, izrailcianin va ŭpor zastreliŭ paleścinca ŭ rajonie habrejskaha pasielišča ŭ Chieŭronie. Jašče šeść čałaviek byli zabityja ŭ vioscy Kustra.

Pasialency na Zachodnim bierazie zajaŭlajuć, što chočuć adpomścić za raźniu, jakuju ŭčyniŭ CHAMAS na poŭdni Izraila. Akramia taho, pa ich słovach, jany bajacca za svajo žyćcio z-za rostu varožych nastrojaŭ z boku paleścincaŭ.

CACHAŁ zahadvaje pasialencam vykonvać rasparadžeńni Centralnaha kamandavańnia, nie čynić samasudu i paźbiahać pravakacyj.

Pavodle infarmacyi vajskoŭcaŭ, ciaham minułaha tydnia na Zachodnim bierazie byli aryštavanyja niekalki vysokapastaŭlenych udzielnikaŭ CHAMAS.

Akramia taho, uzmocnienyja miery biaśpieki va Uschodnim Jerusalimie, dzie taksama adbyvajucca sutyknieńni pamiž izrailskaj palicyjaj i vajskoŭcami i haradžanami-paleścincami. Za minuły tydzień dziasiatki čałaviek byli paranienyja, siarod ich izrailskija vajskoŭcy.

Asablivaja ŭvaha izrailskich słužbaŭ biaśpieki prykavanaja da rajona, prylehłaha da Chramavaj hary, u jakim mieścicca musulmanskaja śviatynia — miačeć Al-Aksa.

Čytajcie taksama:

CACHAŁ: Zabity kamandujučy śpiecnazam CHAMAS, jaki kiravaŭ napadam na izrailskija miastečki 7 kastryčnika

Izrail prapanavaŭ žycharam siektara Haza evakujavacca siońnia da 16:00

CACHAŁ: U siektary Haza likvidavany adzin z arhanizataraŭ «subotniaj raźni»

Клас
9
Панылы сорам
4
Ха-ха
0
Ого
2
Сумна
9
Абуральна
2