Hurt Sož

Hurt Sož

«Pusty tancpoł na fiłasoŭskim parachodzie. Pusty tancpoł u restaranie «Hałaktyka». Apošnija tancory praciahvajuć. Biełaruskaje čakańnie Kaladaŭ-2023. Pačaŭšy vandroŭku ŭ akvatoryi Saža, ciapier my apynulisia ŭ adkrytym akijanie», — zaprašajuć muzyki na svoj «fiłasofski parachod», jaki ŭžo kolki hadoŭ niasie ich praz štormy revalucyi, vajny i emihracyi.

Pieśnia «Apošnija tancory» adkryvaje debiutny mini-albom homielskich muzykantaŭ. Klip na kampazicyju staŭ praciaham supracoŭnictva ź ličbavym mastakom Al Medwedsky, jaki ŭ 2020 hodzie ŭvasobiŭ debiut kamandy, sinhł Malako, u mistyčnaj animacyi. Hetym razam «piataha ŭdzielnika» kalektyvu možna pabačyć u videa razam z post-pank muzykami.

Unreal Engine 5.0 — hulniavy ruchavik apošniaha pakaleńnia. Heta mocny instrumient dla stvareńnia videahulniaŭ i vizualnych efiektaŭ. Jon dazvalaje rabić usio bolšym i realistyčnym, i navat stvarać ceły śviet.

Sož — elektra post-pank hurt rodam z Homiela, nosić nazvu raki, na jakoj staić horad. Hurt vypuściŭ mini-albom «Apošnija Tancory», a taksama klipy «Malako», «Stotis» i «Apošnija Tancory». Ciapier pracuje nad albomam, jaki płanuje prezientavać na borcie realnaha karabla.

Клас
9
Панылы сорам
2
Ха-ха
0
Ого
0
Сумна
2
Абуральна
0