Vajskoŭcy dastajuć cieły izrailskich žycharoŭ z razburanaha doma, 10 kastryčnika 2023 h., Kfar-Aza. Fota: Ilia Yefimovich / picture alliance via Getty Images

Vajskoŭcy dastajuć cieły izrailskich žycharoŭ z razburanaha doma, 10 kastryčnika 2023 h., Kfar-Aza. Fota: Ilia Yefimovich / picture alliance via Getty Images

«Heta toje, čaho ja nikoli nie bačyŭ u svaim žyćci. Heta toje, što ja ŭjaŭlaŭ sabie pa raskazach babuli i dziaduli ŭ Jeŭropie i inšych miescach», — skazaŭ hienierał.

U aŭtorak CACHAŁ pryvioz u Kfar-Azu i inšyja miescy, jakija atakavaŭ CHAMAS, dziasiatki zamiežnych žurnalistaŭ. Pavodle źviestak vydańniaŭ, tam la paškodžanych damoŭ da hetaha času lažać cieły, u tym liku paleścinskich terarystaŭ. Žurnalistaŭ supravadžała jak minimum adna rota sałdat CACHAŁ, jakija praciahvajuć rasčyščać terytoryju paśla abstrełaŭ.

Hienierał CACHAŁ Itaj Vieruŭ skazaŭ, što heta nie vajna, a raźnia: «Vy bačycie niemaŭlat, maci, baćkoŭ u ich spalniach, u ich achoŭnych pakojach, i jak terarysty zabivajuć ich. Heta nie vajna… Heta raźnia».

Sałdat CACHAŁ zakryvaje tvar, kali prachodzić mima ciełaŭ bajevikoŭ CHAMAS i izrailskich mirnych žycharoŭ, zabitych bajevikami CHAMAS, 10 kastryčnika 2023 h., Kfar-Aza, Izrail. Fota: Alexi J. Rosenfeld / Getty Images

Sałdat CACHAŁ zakryvaje tvar, kali prachodzić mima ciełaŭ bajevikoŭ CHAMAS i izrailskich mirnych žycharoŭ, zabitych bajevikami CHAMAS, 10 kastryčnika 2023 h., Kfar-Aza, Izrail. Fota: Alexi J. Rosenfeld / Getty Images

U pasiołku, jak paviedamlajuć, znojdzieny kantejnier sa spalenymi ciełami izrailcian, u tym liku dziaciej.

Karespandent vydańnia i24 piša, što izrailskija sałdaty, jakija znachodziacca ŭ kibucy, «suciašali adno adnaho paśla taho, čamu im daviałosia stać śviedkami».

«Jany prybyli z čakańniem horšaha, ale hetyja sceny pieraŭzychodziać usio, što možna było sabie ŭjavić. Niekatoryja sałdaty kažuć, što znachodzili niemaŭlat z adrezanymi hałovami, cełyja siemji, zastrelenyja ŭ svaich paścielach. Na dadzieny momant kala 40 niemaŭlat i maleńkich dziaciej vyviezieny na katałkach», — piša vydańnie.

Клас
1
Панылы сорам
3
Ха-ха
0
Ого
3
Сумна
59
Абуральна
86