Siarod 15 čalcoŭ Rady AAN pa pravach čałavieka na 2024-2026 hady, jakich abrała Hienasambleja, Rasijskaj Fiederacyi niama.

Ź jeŭrapiejskich dziaržaŭ tam buduć Ałbanija, Bałharyja, Francyja i Niderłandy. Rasija spaborničała mienavita z Ałbanijaj i Bałharyjaj za dva miescy ŭ Radzie, zareziervavanyja dla krain Centralnaj i Uschodniaj Jeŭropy.

U minułym miesiacy stała viadoma, što RF raspaŭsiudžvaje siarod dziaržaŭ — siabraŭ AAN dakumient z zaklikam padtrymać jaje abrańnie ŭ skład Rady pa pravach čałavieka.

Va ŭkrainskim MZS tady zajavili, što prasoŭvańniem svajoj kandydatury Rasija sprabuje dakazać, što «moža praciahvać biespakarana hruba parušać pravy čałavieka, ździajśniać vajennyja złačynstvy i złačynstvy suprać čałaviečnaści».

Nahadajem, 7 krasavika 2022 hoda Hienieralnaja asambleja AAN padtrymała rezalucyju ab prypynieńni členstva Rasijskaj Fiederacyi ŭ Radzie AAN pa pravach čałavieka. Paśla hetaha rašeńnia RF zrabiła zajavu ab svaim «dobraachvotnym vychadzie» sa składu Rady.

Клас
20
Панылы сорам
0
Ха-ха
2
Ого
0
Сумна
1
Абуральна
0