U milicyju 7 kastryčnika pastupiła paviedamleńnie ab pracy tryvožnaj knopki ŭ adnym z łambardaŭ Viciebska. Supracoŭnikam adździeła Departamienta achovy, jakija prybyli na miesca, rabotniki łambarda raspaviali, što ŭ pamiaškańnie padčas zakryćcia zabieh nieznajomy mužčyna. Pahražajučy nažom, jon zapatrabavaŭ addać hrošy i kaštoŭnyja rečy. Žančyna nacisnuła na tryvožnuju knopku, i rabaŭnik, ubačyŭšy heta, paśpiašaŭsia źniknuć.

Praź niekalki hadzin apieratyŭniki ŭstanavili asobu napadnika. Im akazaŭsia 18-hadovy navučeniec adnaho z kaledžaŭ. Chłopiec užo mieŭ sudzimaść za rabavańnie i kradziež.

Małady čałaviek rastłumačyŭ, što jamu terminova patrebny byli hrošy, jon pakutuje na hulniamaniju.

Śledčyja raspačali kryminalnuju spravu. Maładomu čałavieku pahražaje da 10 hadoŭ pazbaŭleńnia voli.

Клас
0
Панылы сорам
1
Ха-ха
0
Ого
0
Сумна
0
Абуральна
0