Swedish meatballs

Fota: visitsweden.com

U adpaviednaści z receptam Lizy Lemkie, na 4 porcyi vam spatrebicca:

dla frykadelek

  • 2 st.ł panirovačnych sucharoŭ
  • 50 mł niatłustych viarškoŭ
  • 1 jajka
  • 1 stałovaja łyžka kancentravanaha miasnoha bulonu
  • pałova drobna narezanaj žoŭtaj cybuliny
  • 25 h masła
  • 500 h faršu (pałova śvinoha i pałova jałavičnaha)
  • 1 č.ł. śviežamołataha čornaha piercu
  • prykładna 1,5 č.ł. soli
  • alej dla smažańnia

dla sousu

  • 250 mł viarškoŭ
  • 1,5 č. ł. ciomnaha sojevaha sousu
  • 250 mł jałavičnaha bulonu (niekancentravanaha)
  • 25 h masła
  • 1 stałovaja łyžka kukuruznaha kruchmału, kab zahuścić sous
  • 2 st.ł. vareńnia z bruśnicaŭ
  • sol i pierac

dla padačy

Jak hatavać:

  1. Źmiašajcie panirovačnyja suchary, viarški, bulon i jajka i pakińcie prykładna na 5 chvilin. Absmažcie cybulu na maśle da miakkaści, potym pieramiašajcie jaje sa zroblenaj sumieśsiu. Dadajcie sol, pierac i farš i pieramiašajcie ŭsio rukami ci videlcam. Tolki nie pierastarajciesia, bo heta zrobić frykadelki ćviordymi.
  2. Vaźmicie nievialiki kusočak faršu i absmažcie jaho, kab pravieryć smak. Kali soli i piercu dastatkova, skačajcie astatni farš ŭ nievialikija šaryki (prykładna adna stałovaja łyžka faršu na šaryk). Ruki namačycie vadoj, kab farš da ich nie prylipaŭ.
  3. Smažcie frykadelki da załacistaha koleru i poŭnaj hatoŭnaści, potym adkładzicie ich ubok.
  4. Źmiašajcie viarški i kukuruzny kruchmał. Zatym vylicie heta, a taksama bulon i soju ŭ patelniu, dzie vy smažyli frykadelki. Uźbicie ŭ patelni i dajcie pakipieć paru chvilin. Prypraŭcie sollu, piercam i vareńniem, kab dadać trochi sałodkaści.
  5. Pakładzicie frykadelki nazad u sous i padavajcie z bulbianym piure, bruśničnym vareńniem i — kali lubicie — z drobna parezanaj piatruškaj.

Čytajcie taksama:

Kartaplaniki: biełaruski recept z tatarskimi karaniami

Recept na vychadnyja. Italjanskija frykadelki z kabačkami — aryhinalnaja i karysnaja strava

U Niderłandach stvaryli frykadelku z kletak mamantaŭ

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?