Paleścincy chočuć atrymać svaje nacyjanalnyja paśviedčańni va ŭpraŭleńni pa cyvilnych spravach u horadzie Haza. Fota: Khalil Hamra / AP

Paleścincy chočuć atrymać svaje nacyjanalnyja paśviedčańni va ŭpraŭleńni pa cyvilnych spravach u horadzie Haza. Fota: Khalil Hamra / AP

Choć miaža ź Jehiptam i nie pierakrytaja całkam, ale ŭ abodva baki prapuskajuć nie bolš za 400 čałaviek u dzień i tolki tych, chto atrymaŭ papiaredniaje adabreńnie da pačatku ciapierašnich sutyknieńniaŭ, piša Bi-bi-si.

Ciapier i hetaja mahčymaść, pa ŭsioj bačnaści, źnikła: ranicaj aŭtorka pradstaŭnik CACHAŁ raiŭ vybiracca z Hazy praz adziny prapuskny punkt «Rafach» na miažy ź Jehiptam, ale paźniej Armija abarony Izraila źmianiła svaje rekamiendacyi, paviedamiŭšy, što KPP začynieny.

Zakryćcio KPP Rafach da dalejšych rasparadžeńniaŭ paćvierdziła ahienctvu DPA krynica ŭ jehipieckich słužbach biaśpieki, paviedamlaje Al Jazeera.

Dla taho kab trapić z Hazy ŭ Jehipiet, paleścincam nieabchodna atrymać dazvoł svajho ministra ŭnutranych spraŭ jak minimum za dva dni da pierachodu miažy, kab ich imia było ŭ śpisie.

Nivodzin čałaviek z tych, čyjho imia niama ŭ śpisie, pierasiekčy miažu siektara nie zmoža.

Pakolki ŭsie administracyjnyja budynki ŭ Hazie, u tym liku i miascovaha MUS, albo začynienyja, albo razburanyja, dadać u śpis bolš nikoha nielha.

Zvyčajnym hramadzianam užo daŭno nialohka vybracca z Hazy, asabliva paśla pačatku dziejańniaŭ u adkaz z boku Izraila. Dla bolšaści adzinaje vyjście — heta škoły pad ehidaj AAN.

AAN zajaŭlaje, što hetyja časovyja schoviščy ŭžo zapoŭnienyja na 90% i nie mohuć źmiaścić bolšuju kolkaść ludziej.

Čytajcie taksama:

Izrail abviaściŭ pra bujnamaštabny ŭdar pa abjektach u Hazie

Pradstaŭnik CACHAŁ prapanavaŭ žycharam Hazy biehčy ŭ Jehipiet

Ajatała Chamieniei: Iran całuje ruki tym, chto napaŭ na Izrail

Клас
0
Панылы сорам
1
Ха-ха
2
Ого
1
Сумна
18
Абуральна
2