Paleścincy ahladajuć ruiny Zachodniaj miačeci, razburanaj paśla izrailskaha avijaŭdaru pa łahiery biežancaŭ Šakci ŭ horadzie Haza, ranicaj u paniadziełak, 9 kastryčnika 2023 hoda. Fota: Adel Hana / AP

Paleścincy ahladajuć ruiny Zachodniaj miačeci, razburanaj paśla izrailskaha avijaŭdaru pa łahiery biežancaŭ Šakci ŭ horadzie Haza, ranicaj u paniadziełak, 9 kastryčnika 2023 hoda. Fota: Adel Hana / AP

Aficyjny pradstaŭnik CACHAŁ (Armii abarony Izraila) pa zamiežnych ŚMI padpałkoŭnik Ryčard Chiecht daŭ zrazumieć, što mirnamu nasielnictvu siektara Haza varta biehčy ŭ Jehipiet.

«Ja viedaju, što kantrolna-prapuskny punkt «Rafach» (pamiž siektaram Haza i Jehiptam) usio jašče adkryty», — cytuje jaho zajavu ahienctva Reuters.

Ahienctva AAN pa dapamozie paleścinskim uciekačam paviedamlaje, što ŭ ich prytułak u Hazie prybyli bolš za 137 tysiač žycharoŭ siektara. Ahienctva papiaredžvaje: «Pamiaškańni zapoŭnienyja na 90%».

Na terytoryi siektara Haza na płoščy ŭ 360 kvadratnych kiłamietraŭ žyvie 2,5 młn čałaviek.

Učora ŭviečary premjer Izraila paabiacaŭ davieści vajnu suprać bajevikoŭ CHAMAS da pieramožnaha kanca.

«Hetuju vajnu naviazali nam źviary, jakija prasłaŭlajuć zabojstva žančyn, dziaciej i starych. Źvierstvaŭ, jakija ździajśniajucca CHAMAS, nie nazirałasia z časoŭ źvierstvaŭ IDIŁ. Dziaciej źviazvali i karali śmierciu razam z astatnimi členami ich siemjaŭ, maładych dziaŭčat i chłopcaŭ rasstrelvali ŭ śpinu. … CHAMAS chacieŭ vajny, jon jaje atrymaje», — zajaviŭ Nietańjachu.

«Ja addaŭ rasparadžeńnie atakavać CHAMAS tak, jak my jašče nikoli ich nie atakavali raniej. I heta adbyvajecca prosta ciapier. My tolki pačali našu vajnu suprać CHAMAS. Toje, što vy bačycie ciapier u Hazie — tolki pačatak», — skazaŭ Nietańjachu.

Čytajcie taksama:

Unačy ŭ siektary Haza prahrymieli mahutnyja vybuchi

Bolš za 187 tysiač paleścincaŭ pakinuli svaje damy z-za vajny

U kibucy Bieery na miažy ź siektaram Haza znajšli cieły 100 zahinułych izrailcian. Kolkaść achviar moža pavialičycca

CHAMAS pryhraziŭ zabivać pa adnym zakładniku ŭ adkaz na kožny napad Izraila na hramadzianskija budynki

Клас
12
Панылы сорам
0
Ха-ха
1
Ого
0
Сумна
5
Абуральна
4