Ilustracyjny zdymak. Fota: «Naša Niva»

Ilustracyjny zdymak. Fota: «Naša Niva»

Havorka idzie pra vypusk prahramy ad 16 traŭnia 2021 hoda. U abviaržeńni havorycca, što ŭ efiry prahramy «Kontury» na telekanale ANT na zamovu ZAT «Internet-krama Jeŭraopt» była raźmieščana infarmacyja, jakaja źmiaščała niekarektnaje paraŭnańnie dziejnaści anłajn-hipiermarkieta «Je-dastaŭka» z bolš jak dziasiatkam handlovych sietak.

U pryvatnaści pryvodzilisia nastupnyja śćviardžeńni:
«I sočać, kab ceny byli nižejšymi, čym u kankurentaŭ, u siarednim na 30 adsotkaŭ»; «Naprykład, pa danych sajta infoprice.by, za padhuźniki ŭ inšych kramach možna pierapłacić da 46% u paraŭnańni z «Je-dastaŭkaj», a roźnica ŭ canie na korm dla chatnich žyvioł dasiahaje 42%; «Je-dastaŭku» abirajuć usie. Heta realny sposab hruntoŭna sekanomić».

Fota: skrynšot z sajta edostavka.by

Fota: skrynšot z sajta edostavka.by

Kampanija abviarhaje ŭsie pieraličanyja vyšej frazy, jakija na zamovu «Jeŭraopta» prahučali ŭ efiry ANT.

Heta infarmacyja źjaviłasia na sajcie jašče tydzień tamu, 26 vieraśnia.

Pryznać fakty ŭvodu ŭ zman padčas rekłamy amal praz dva z pałovaj hady «Je-dastaŭka» była vymušana praz rašeńnie suda.

Ministerstva handlu i antymanapolnaha rehulavańnia raspačało rasśledavańnie paśla skarhaŭ ad sietak «Susiedzi», «Hipa» i «Vitalur», jakija jany padali ŭ 2021 hodzie. Jany abvinavacili hrupu «Jeŭrahandal» u zmovie z servisam paraŭnańnia cen TAA «InfaPrajs» (sajt infoprice.by). Naprykład, śćviardžali, što ceny na infoprice.by nie zaŭsiody byli karektnymi.

MARH paličyŭ, što śćviardžeńni ab pieravahach internet-kramy «Je-dastaŭka», pryviedzienyja ŭ rekłamie, niemahčyma abjektyŭna pravieryć, a sam anłajn-hipiermarkiet nie pakazaŭ tamu nijakich dokazaŭ. Ministerstva pryznała heta niadobrasumlennaj kankurencyjaj

«Jeŭraopt» nie pahadziŭsia z rašeńniem i padaŭ u Viarchoŭny sud. Viarchoŭny sud staŭ na bok MARH. «Internet-krama Jeŭraopt» taksama atrymała štraf na sumu, ekvivalentnuju 10% ad jaje hadavoj vyručki.

Čytajcie taksama:

Płanavyja pravierki arhanizacyj. Da kaho zavitajuć z pravierkaj užo ŭ kastryčniku

Kava Jacobs chutka źniknie z prodažu. Jaki brend zojmie jaje nišu

Клас
0
Панылы сорам
0
Ха-ха
2
Ого
0
Сумна
0
Абуральна
0