Afhanskija biežancy z usich sił sprabujuć utrymać karovu padčas zaboju z nahody śviata Kurban-Bajram u łahiery Kazana na ŭskrainie Piešavara. 28 červienia 2023 hoda. Id al-Adcha, abo śviata achviaraprynašeńnia, samaje važnaje isłamskaje śviata, aznačaje hatoŭnaść praroka Ibrachima, Aŭraama dla chryścijan i judejaŭ, prynieści ŭ achviaru svajho syna. Padčas śviata, jakoje ŭ bolšaści miescaŭ doŭžycca čatyry dni, musulmanie zabivajuć aviečak ci bujnuju rahatuju žyviołu, razdajuć častku miasa biednym. Fota: Muhammad Sajjad / AP

Afhanskija biežancy z usich sił sprabujuć utrymać karovu padčas zaboju z nahody śviata Kurban-Bajram u łahiery Kazana na ŭskrainie Piešavara. 28 červienia 2023 hoda. Id al-Adcha, abo śviata achviaraprynašeńnia, samaje važnaje isłamskaje śviata, aznačaje hatoŭnaść praroka Ibrachima, Aŭraama dla chryścijan i judejaŭ, prynieści ŭ achviaru svajho syna. Padčas śviata, jakoje ŭ bolšaści miescaŭ doŭžycca čatyry dni, musulmanie zabivajuć aviečak ci bujnuju rahatuju žyviołu, razdajuć častku miasa biednym. Fota: Muhammad Sajjad / AP

Ułady Pakistana zahadali ŭsim nielehalnym afhanskim uciekačam, a heta prykładna 1,7 młn čałaviek, pakinuć krainu da 1 listapada, piša Bi-bi-si.

Rašeńnie było pryniata paśla taho, jak sieryja napadaŭ uzdoŭž miažy dźviuch krain, u jakich Isłamabad vinavacić bajevikoŭ, što bazujucca ŭ Afhanistanie, pryviała da eskałacyi napružanaści.

U vyniku Isłamabad u aŭtorak abviaściŭ pra namier razabracca z «nielehalnymi» mihrantami.

Kantralavany talibami ŭrad Afhanistana nazvaŭ krok Pakistana nieprymalnym i zaklikaŭ pierahledzieć jaho.

Ułady Afhanistana nieadnarazova admaŭlali fakt pradastaŭleńnia prytułku bajevikam, što napadajuć na Pakistan.

Na minułym tydni ŭ vyniku vybuchu ŭ miačeci ŭ horadzie Mastunh, niedaloka ad miažy z Afhanistanam, padčas relihijnaha śviata zahinuli prynamsi 50 čałaviek.

Ministr unutranych spraŭ Pakistana Sarfraz Buhci, zrešty, nie zhadaŭ u adkrytuju pra heta i jašče pra adzin napad u pravincyi Biełudžystan, kali abviaščaŭ pra vydvareńnie «nielehalnych» afhancaŭ.

Prava pretendavać na prytułak u inšaj krainie zamacavana ŭ mižnarodnym pravie. Pakistan pryniaŭ sotni tysiač afhanskich uciekačoŭ za dziesiacihodździ vajny, asabliva paśla taho, jak «Taliban» viarnuŭsia da ŭłady ŭ Afhanistanie ŭ 2021 hodzie.

Pavodle źviestak AAN, kala 1,3 młn afhancaŭ zarehistravanyja ŭ jakaści biežancaŭ, a jašče 880 tys. atrymali lehalny status, jaki daje mahčymaść zastacca ŭ krainie.

Ale jašče 1,7 młn znachodziacca ŭ krainie «nielehalna», zajaviŭ Buhci ŭ aŭtorak — vidavočna, majučy na ŭvazie tych, chto jašče nie atrymaŭ status uciekača.

Jon skazaŭ, što hetym ludziam daviadziecca pakinuć krainu da kanca miesiaca — dobraachvotna abo šlacham prymusovaj departacyi.

«Kali jany nie pajeduć… tady dla ich departacyi buduć zadziejničanyja ŭsie pravaachoŭnyja orhany ŭ pravincyjach abo fiederalny ŭrad», — dadaŭ kiraŭnik pakistanskaha MUS.

Padrabiaznaściaŭ pra toje, jak budzie prachodzić takaja apieracyja, jon nie daŭ.

Buhci taksama abviaściŭ pra stvareńnie śpiecyjalnaj hrupy, metaj jakoj budzie vyjaŭleńnie i kanfiskacyja pryvatnaha biznesu i aktyvaŭ «nielehalnych» afhancaŭ u krainie.

Čytajcie taksama:

U Pakistanie aryštavali šajku, jakaja vyrazała ŭ ludziej nyrki bieź ich viedama. Praviali minimum 328 apieracyj

Bolš za 50 čałaviek zahinuli ŭ vyniku vybuchu ŭ miačeci Pakistana

Eks-premjera Pakistana asudzili na try hady. U svoj čas jon byŭ kapitanam nacyjanalnaj zbornaj pa krykiecie

Клас
2
Панылы сорам
2
Ха-ха
1
Ого
3
Сумна
5
Абуральна
3