Skrynšot videa na YouTube-kanale Śviata-Jelisaviecinskaha manastyra

Skrynšot videa na YouTube-kanale Śviata-Jelisaviecinskaha manastyra

Kožny aŭtorak Śviata-Jelisaviecinski manastyr, jaki dapamahaje rasijskaj armii, zapisvaje dla svajho YouTube-kanała «Hutarki z baciuškam» — chto zaŭhodna moža zadać pytańnie protaijereju Andreju Lemiašonku, viadomamu svajoj praŭładnaj pazicyjaj.

I voś jakoje pytańnie dasłali jamu ŭ hety raz: «Syn pajšoŭ sioleta ŭ patryjatyčny kłas. Tam razdajuć zajavy na ŭstupleńnie ŭ pijaniery. Syn chryščony, pryčaščajecca, chodzić u niadzielnuju škołu. Ci možna jamu ŭstupać u pijaniery?»

Prataijerej tolki rukami raźvioŭ.

«Pijaniery — ja tak razumieju, heta Sajuz moładzi… Raniej leninski sajuz moładzi byŭ, ateistyčny. Ciapier, kaniešnie, sprabujuć niejak… Viedajecie, pakul niama ideałohii… Voś ciapier u nas niama ideałohii, u Rasii jašče pakul… Nu dziakuj Bohu, tam užo krychu pa-inšamu. I voś my sprabujem niešta skleić, niešta złučyć… Treba kazać, što i siarod kamunistaŭ byli roznyja ludzi.

Kali heta ateistyčnaja arhanizacyja (majecca na ŭvazie Biełaruskaja respublikanskaja pijanierskaja arhanizacyja. — NN), to jak moža dzicia, u jakoha baćki chodziać u chram, vierniki, być pijanieram?! Patryjatyzm — heta dobra, ale na čym jon hruntujecca? My zasnoŭvajem svoj patryjatyzm na viery našaj».

Zdajecca, što pytańnie pra pijanieraŭ razzłavała Andreja Lemiašonka. Ale z zały jamu zadali jašče adno:

«A čamu Boh dobrasłaviŭ toje, što ŭ 30-ja hady pakutavali ludzi, razburali chramy, kryžy i ikony valalisia na ziamli?»

«Z-za niaviery, — adkazaŭ Lemiašonak. — Praz toje, što ludzi adstupili. (…) Rasija ničoha nie straciła, zatoje źjavilisia tysiačy pakutnikaŭ. Ja niadaŭna voś jakuju dumku zrazumieŭ: kali b Lenin nie pieramoh, Rasii b nie było. I viedajecie čamu? Tamu što ŭsie biełyja ruchi finansavalisia anhličanami, francuzami, niemcami… Što, jany chacieli, kab Rasija była pravasłaŭnaj? Dy ničoha padobnaha. Jany b jaje padzialili na kavałki i ničoha b nie było. Tamu Boh tak zrabiŭ, kab Stalin zachavaŭ impieryju. I carkva ŭzradavałasia!» 

Prajšoŭsia protaijerej i pa achviarach represij. Pa-pieršaje, jon upeŭnieny ŭ tym, što kolkaść achviar u SSSR pierabolšana. Pa-druhoje, śćviardžaje, što takija ž maštabnyja represii byli i ŭ Amierycy, i Anhlii. Represii baciuška nazyvaje našaj historyjaj, jakuju treba pavažać.

«Ciapier u Rasii staviać pomniki Alaksandru III — jaki byŭ car, sapraŭdnaja hłyba. I Stalinu, bo heta byŭ čałaviek nie prosta tak. Pry im vajnu vyjhrali, a kali b byŭ niechta inšy, nieviadoma, čym by ŭsio skončyłasia. Pravasłaŭny čałaviek hladzić značna hłybiej na historyju.»

Ad temy Druhoj suśvietnaj vajny baciuška pierajšoŭ da temy vajny va Ukrainie. I, na ździŭleńnie publiki, adznačyŭ, što vina Rasii ŭ hetym taksama jość.

«Tamu što prahledzieli! Čamu ŭ 2014 hodzie dapuścili?! Treba było adrazu ŭvodzić vojski. Tam była bolšaja častka na baku Rasii. I nijakaj by vajny nie było».

«Ciapier čyścicca ŭsio, i kultura čyścicca, — dadaŭ Lemiašonak. — Vy razumiejecie, usio za miažu… Nu niachaj źjazdžajuć usie ajcišniki. Ludzi pracoŭnyja, sialanie zastanucca. Ja dumaju, zaraz naadvarot farmirujecca novaja intelihiencyja, jakaja vypakutavana».

 Čytajcie taksama:

Protaijerej Lemiašonak razdaŭ parady, jak vyratavać muža-apazicyjaniera: Ni ŭ jakuju Polšču jechać nie treba

Śviata-Jelisaviecinski manastyr arhanizoŭvaje kinapremjeru rasijskaj ahitki

«Čałaviek vajavaŭ paŭtara hoda, i voś takoje pramaŭlaje». Minskaja manaška raskazała, jak natchniała vahnieraŭcaŭ na vajnu

U Śviata-Jelisaviecinskim manastyry praviali Z-kancert. Na scenie byli partrety «Mataroły», Zacharčanki, Pušylina

Kolki minski manastyr vydzialaje mirnym žycharam Danbasa, a kolki — rasijskim akupantam na techniku FOTA

Клас
2
Панылы сорам
41
Ха-ха
10
Ого
2
Сумна
2
Абуральна
18

Chočaš padzialicca važnaj infarmacyjaj ananimna i kanfidencyjna?