Hrupa «Hałasy ZMiesta». Skryn videa ź ich jutub-kanała

Hrupa «Hałasy ZMiesta». Skryn videa ź ich jutub-kanała

Pra hetyja kancerty paviedamiŭ Alaksandr Siemčanka, prarasijski palitołah, jaki rodam z Daniecka.

Jon taksama pryvioŭ słovy lidara hrupy Dźmitryja Butakova pra toje, jak muzykam niasoładka.

«Byli niuansy. Ipešnik, jaki vałodaje doškami abjaŭ na prypynkach, biez tłumačeńnia pryčyn zabaraniŭ rasklejvać afišy pra kancert. I ŭ vykankam pastupali zvanki ad «hramadzian»: maŭlaŭ, navošta jaho naohuł pravodziać. Heta sa słoŭ arhanizataraŭ.

Takaja ž situacyja była i ŭ Pinsku. U hetym sensie našy dva harady samyja bečebešnyja. A hukarežysior, jaki ŭ nas u DK (majecca na ŭvazie DK u horadzie Baranavičy — rodnym horadzie hrupy. — «NN») pracuje i stavić aparaturu, naohuł adkryta zajaviŭ, što jon suprać Rasii», — kazaŭ Butakoŭ.

Lidar hrupy ŭ adnym z intervju chvaliŭsia, što jany vypuskajuć pa dźvie satyryčna-palityčnyja pieśni na tydzień. I tłumačyŭ, što ich nie kličuć na centralnyja dziaržaŭnyja kancerty, tym, što situacyja supakoiłasia i ciapier ich tvorčaść nie takaja zapatrabavanaja.

Pra hrupu «Hałasy ZMiesta» šyrokaja hramadskaść daviedałasia paśla vybaraŭ. Jana vykonvała źjedlivyja ahitki ab pratestach, dvarovych čatach, apazicyjnych palitykach, a ciapier i na temu vajny. U 2021-m hrupu źbiralisia adpravić ad Biełarusi na Jeŭrabačańnie ź pieśniaj «Ja navuču ciabie». Ale Jeŭrapiejski viaščalny sajuz u vyniku dyskvalifikavaŭ Biełaruś, bo heta palityzavanaja pieśnia parušała praviły konkursu.

U hrupu ŭvachodziać byłyja kavezešniki z Baranavičaŭ.

Čytajcie taksama:

BT adchilili ad «Jeŭrabačańnia» 

«Hałasy ZMiesta» padrychtavali dla «Jeŭrabačańnia» dźvie novyja pieśni

Łukašenka pra błakavańnie zajaŭlenaj na «Jeŭrabačańnie» pieśni ad Biełarusi: Tolki aŭtarytetu im dadali

Клас
7
Панылы сорам
15
Ха-ха
93
Ого
2
Сумна
1
Абуральна
7