Skryn videa z sacsietak

Skryn videa z sacsietak

Rolik, pra jaki idzie havorka, nabraŭ amal 450 tysiač prahladaŭ. Jaho zapisali Ihar i Kaciaryna Jurčanki, baćki 21-hadovaha chłopca Siarhieja, jaki adbyvaje vaśmihadovy termin u babrujskaj PK-2. Biełarus pryznany vinavatym u raspaŭsiudzie narkatyčnych srodkaŭ pry peŭnych abciažarvalnych abstavinach (č. 3 art. 328 KK Biełarusi).

Baćka Siarhieja pačynaje raskaz pra spatkańnie tym, što «jany trapili ŭ kazku» i ich syn ciapier pastaleły. Jaho maci dadaje, što ŭ syna «takija bituchi». Ale bolš Ihara Jurčanku ŭrazili ŭmovy ŭ kałonii. «My ŭ natury trapili ŭ hatel, dzie z taho, što heta turma, było vidać tolki pa kratach na voknach, ale jany aformlenyja tak akuratna i pryhoža, što słovam nie pieradać».

Kaciaryna ŭ zachapleńni raskazvaje, što ŭ kałonii jość žyvy kutok, vychad na dvor z łaŭnž-zonaj i šašłyčnaja. Taksama baćkoŭ chłopca ŭraziła, što ŭ kałonii ŭsie paścieli čystyja, jość posud, televizar.

@yurcha78 Pośle śvidanija s synom v tiuŕmie IK-2 h. Bobrujsk. Morie emocij - i vsie pozitivnyje. Nie daj Boh nikomu tam okazaťsia, no usłovija sodieržanija ludskije i Syn krasavčik! @Jekatierina Priemudraja ♬ orihinalnyj zvuk - yurcha.78

Ihar padsumoŭvaje: «Nie daj Boh nikomu siudy trapić, ale pa formie ŭtrymańnia, pa tym, što kaža Siarhiej, usio jak maje być. Administracyja PK-2, ad usioj dušy dziakujem za takoje ŭtrymańnie našych dziaciej». Maci źniavolenaha adznačaje, što ŭ jaho ŭ hałavie ciapier pravilnyja darosłyja dumki, i baćki nie mahli jaho nasłuchacca — što całkam zrazumieła, uličvajučy, jak redka viaźniam dazvalajuć bačycca i hutaryć z rodnymi. Adsiul, mahčyma, i vialikaja radaść baćkoŭ Siarhieja. 

Ihar raźmiaściŭ hety rolik i ŭ svaich sacsietkach, i adzin z karystalnikaŭ vykazaŭ hipotezu, što baćkoŭ prymusili heta skazać. Niekatoryja svajaki źniavolenych iduć na kampramisy z sumleńniem, kab dabicca pasłableńnia režymu dla svaich rodnych.

Mnohija karystalniki, adnak, nie padtrymali entuzijazmu Ihara i Kaciaryny. Voś niekalki papularnych kamientaroŭ.

«To-bok raicie?»

«Ź videa vychodzić, što turma dała synu toje, čaho nie zmahli dać baćki…»

«Ja ŭ šoku ad hetych baćkoŭ».

«Što ja tolki što pahladzieŭ… takija byvajuć baćki…»

«Až zachaciełasia pasiadzieć, tak usio pa-chatniamu:)».

Ihar Jurčanka maje kala 2,5 tysiačy padpisčykaŭ u tyktoku i amal 9 tysiač padpisčykaŭ u instahramie. U profili mužčyna padpisany jak saŭładalnik kampanii, što pradaje hidraizalacyjny materyjał, a taksama matyvacyjny pramoŭca, błohier pra dabro, kachańnie da Kaciaryny i karysnyja zvyčki. Voś pra što byli niekatoryja ź jaho apošnich rolikaŭ: «Być adnoj nie strašna», «Žančynu paśla 30 možna ździvić tolki kachańniem», «Nie isnuje adnosinaŭ biez svarak i kryŭdaŭ».

U svaim akaŭncie mužčyna aśviatlaŭ i spravu Siarhieja. Jurčanku-małodšaha zatrymali 27 vieraśnia 2022-ha, da suda jon znachodziŭsia ŭ žodzinskaj turmie. Ihar ź pieršych dzion zapuściŭ zbor hrošaj na advakata, a taksama publikavaŭ pierapisku z synam, kadry zboru pieradač, chvalavańniaŭ žonki. Bačna, što baćki Siarhieja ciažka pieražyvali jaho zatrymańnie i sutykalisia z asablivaściami biełaruskaj turemnaj sistemy, naprykład, niejki čas nie atrymlivali ad chłopca listoŭ.

Mužčyna šmat pisaŭ pra toje, što paśla suda Siarhiej byccam musić pajechać dachaty, ale ž 23 lutaha Siarhieja asudzili na vosiem hadoŭ źniavoleńnia. 

Niadaŭna paviedamlałasia, što ŭ babrujskaj kałonii ŭskładniajucca ŭmovy dla viaźniaŭ. Z 1 kastryčnika kolkaść telefonnych zvankoŭ, jakija asudžanyja mohuć rabić dadomu, skarocicca da troch na miesiac. Kali ciapier viaźni telefanujuć svajakam raz na tydzień, to z nastupnaha miesiaca pieryjadyčnaść budzie tolki adzin raz na dziesiać dzion. Kali ciapier asudžanyja mohuć patelefanavać dvum-trom abanientam pa čarzie (naprykład, baćkam i žoncy), to ŭ budučyni možna budzie nabrać tolki adzin numar, za čym buduć sačyć kantralory kałonii.

Praviły adbyvańnia pakarańnia ŭ babrujskaj PK-2 stali ŭzmacniacca z pačatku vieraśnia, paśla taho jak byŭ pryznačany novy načalnik apieratyŭna-režymnaha adździeła ŭstanovy.

U babrujskaj kałonii paharšajuć umovy ŭtrymańnia viaźniaŭ

«A tiepieŕ davajtie jeŝie raz, na normalnom jazykie». Što adbyvałasia z Alesiem Puškinym za kratami

«Žyvu ŭ turemnaj niavoli, a duša na volu prosicca». Palitviazień Uładzimir Hundar u kałonii piša biblejskija składniki

Клас
5
Панылы сорам
52
Ха-ха
3
Ого
3
Сумна
3
Абуральна
19

Chočaš padzialicca važnaj infarmacyjaj ananimna i kanfidencyjna?