Fota: Gazeta.ua

Fota: Gazeta.ua

Unačy ŭ masivie Kuruŭčyłar (Budaŭnikoŭ) u Taškiencie na mytnym składzie kampanii «Inter łahistyk» adbyŭsia mahutny vybuch, jaki vyklikaŭ mocny pažar.

Vybity šyby šmatpaviarchovych damoŭ. Jość paciarpiełyja (kolkaść nie paviedamlajecca), na miescy było šmat mašyn chutkaj dapamohi. Infarmacyja ab padzieńni samalota abvierhnutaja, piša Gazeta.uz.

Vybuch byŭ čuvać za mnohija kiłamietry, dym i zaryva ad pažaru byli vidać ź inšych rajonaŭ.

Vybuchovaj chvalaj byli raźbityja šyby dziasiatkaŭ kvater šmatpaviarchovych damoŭ, u dvarach było šmat mašyn chutkaj dapamohi. Mnohim žycharam daviałosia načavać u mašynach. Častka aŭtatranspartu paškodžanaja.

Pavodle źviestak MNS, na miesca vybuchu byli nakiravanyja 16 pažarna-vyratavalnych ekipažaŭ i 3 aŭtaleśvicy.

Kampanija Uzbekistan Airports paviedamiła, što vybuch nie paŭpłyvaŭ na pracu staličnaha aeraporta. «Mižnarodny aeraport Taškient funkcyjanuje biez abmiežavańniaŭ u štatnym režymie», — havorycca ŭ paviedamleńni.

Ministerstva achovy zdaroŭja paviedamiła, što paranienyja dastaŭlenyja ŭ Respublikanski navukovy centr ekstrannaj miedycynskaj dapamohi i jaho filijał u Taškienckaj vobłaści.

Клас
0
Панылы сорам
2
Ха-ха
2
Ого
6
Сумна
12
Абуральна
2