Akademičny aŭtaspartyŭny kłub Ciurycha ŭžo šmat hadoŭ stvaraje chutkasnyja elektrakary. Hetym razam inžyniery skanstrujavali kart, jaki razhaniajecca da 100 kiłamietraŭ na hadzinu ŭsiaho za 0,956 siekundy. Heta amal na tracinu chutčej za papiaredni rekord.
Honačny balid zmoh dasiahnuć patrebnaj chutkaści, adjechaŭšy ad startavaj linii 12,3 mietry. Dla ŭstojlivaści pry razhonie elektramabil dapoŭnili admysłovaj pryładaj nakštałt pyłasosa, jakaja dapamahaje pryciskać aŭto da asfaltu.
Novy rekord užo paćvierdžany knihaj rekordaŭ Hiniesa, i kamanda raspracoŭščykaŭ śćviardžaje, što nichto jaho nie zmoža pabić bližejšym časam.
8
1
0
1
0
0
