Ukrainskaje dzicia padčas vajny. Fota: AR / Vadzim Hirda  

Ukrainskaje dzicia padčas vajny. Fota: AR / Vadzim Hirda

Pa słovach čynoŭnika, pramyja dokazy asabistaha ŭdziełu Łukašenki i jaho ludziej u niezakonnaj pieravozcy ŭkrainskich dziaciej pastupajuć amal kožny tydzień.

«Jašče raniej ja, zdajecca, staŭ pieršym upaŭnavažanym pradstaŭnikom Ukrainy, jaki publična zajaviŭ ab najaŭnaści infarmacyi adnosna asabistaha ŭdziełu tak zvanaha, niepryznanaha prezidenta Łukašenki ŭ departacyi ŭkrainskich dziaciej. 

Nam praktyčna kožny tydzień prychodziać paćviardžeńni taho, što ŭłady Biełarusi prymajuć u hetym pracesie ŭdzieł. Heta adbyvajecca prosta ciapier», — raskazaŭ Dźmitryj Łubiniec.

Jak jon adznačaje, dziejańni režymu Łukašenki pavinny być praanalizavanyja i ŭ vyniku asudžanyja. 

Ukrainski čynoŭnik upeŭnieny, što prykład z užo vydadzienymi mižnarodnymi orderami na aryšt prezidenta Rasii Uładzimira Pucina i rasijskaj upaŭnavažanaj pa pravach dziciaci Maryi Lvovaj-Białovaj źjaŭlajecca mocnym jurydyčnym arhumientam na karyść viartańnia ŭkrainskich dziaciej dadomu.

Čytajcie taksama:

Jeŭraparłamient zaklikaŭ Mižnarodny kryminalny sud vydać ordar na aryšt Łukašenki

«Bolšoj sbor russkomu hieroju». Mastačka Žyhimont źbirała hrošy na nacysta

«40% palitviaźniaŭ — moładź da 25 hadoŭ». Daradca Cichanoŭskaj pra dylemu: źjazdžać ci zastavacca

Клас
9
Панылы сорам
0
Ха-ха
0
Ого
0
Сумна
0
Абуральна
1