Andrej Hureŭski. Fota: jahony instahram

Andrej Hureŭski. Fota: jahony instahram

Zatrymanaha chłopca, kali vieryć sacsietkam, zvać Andrej Hureŭski (spačatku jahonyja staronki byli na proźviščy «Pacevič»). Jamu 24 hady i rodam jon z Navapołacka. Vučyŭsia ŭ Biełaruskim dziaržaŭnym ekanamičnym univiersitecie.

Try dni tamu chłopiec napisaŭ u svaim tvitary: «Fu, Boža, sa mnoj u trenažorcy Azaronak». Hety tvit šyroka razyšoŭsia.

Azaronak chodzić u zału Gym24, jakaja znachodzicca kala «Biełaj Viežy» ŭ Minsku.

Imavierna, Andreja zatrymali na nastupny dzień, 11 vieraśnia.

Skrynšot z kanała Ryhora Azaronka

Skrynšot z kanała Ryhora Azaronka

Paśla zatrymańnia chłopca HUBAZiKam Azaronka admysłova vyklikali da zatrymanaha, jaki siadzieŭ u naručnikach, kab pahłumicca.

«Fu, sa mnoj pobač zmahar», — pačynaje Azaronak hutarku. Paśla hetaha jon pačaŭ čytać Andreju «pacanskuju maral»: maŭlaŭ, treba było padychodzić i kazać u tvar. Nasamreč, Azaronak danosić na tych, chto jamu niešta kaža ŭ tvar ci čaplaje jaho. Vialikuju viadomaść atrymaŭ sud nad 48-hadovaj pierakładčycaj Volhaj Kałackaj, jakaja dała jamu dźvie aplavuchi za jaho pravakacyjnyja pavodziny, što, jak havaryłasia ŭ abvinavačańni, «pryčyniła jamu fizičny bol».

Andrej Hureŭski i Ryhor Azaronak u kabiniecie HUBAZiKa. Fota: telehram-kanał HUBAZiKa

Andrej Hureŭski i Ryhor Azaronak u kabiniecie HUBAZiKa. Fota: telehram-kanał HUBAZiKa

Paviedamlajecca, što suprać chłopca zaviali kryminalnuju spravu za toje, što jon nibyta pisaŭ u boty «Niechty» i «Biełarusi hałaŭnoha mozha». Ciažka skazać, ci heta praŭda, ci falsifikacyja palityčnaj palicyi. 

Na kamieru Hureŭskaha stavili na kaleni. A Azaronak padaryŭ jamu knihu Dastajeŭskaha, pažadaŭšy stać «manarchistam i dobrym čałaviekam paśla katarhi».

Čytajcie taksama:

Raspaznavańnie tvaraŭ: što heta takoje, jak jano pracuje i jakija zdolnaści biełaruskich siłavikoŭ

HUBAZiK zatrymaŭ za kamientary jašče adnaho mužčynu. Toj zrabiŭ tuju ž pamyłku, što i dziasiatki tysiač biełarusaŭ

Jak pačyścić telehram-boty, kab nie zastałosia nijakich śladoŭ VIDEA

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?