Uładzimir Pucin vitaje Kim Čen Yna. Skrynšot videa kremlin.ru

Uładzimir Pucin vitaje Kim Čen Yna. Skrynšot videa kremlin.ru

Prezident Rasii Uładzimir Pucin i lidar KNDR Kim Čen Yn sustrelisia na kasmadromie Uschodni ŭ Amurskaj vobłaści, piša TASS.

Ciahnik lidara KNDR spyniŭsia na rejkach kala mantažna-vyprabavalnaha korpusa. Da jaho vahona padali trap z čyrvonaj darožkaj, paabapał jakoha stajali vajskoŭcy hanarovaj varty Uschodniaj vajskovaj akruhi sa ściahami dźviuch krain.

Ź ciahnika Kim Čen Yn z tymi, chto jaho sustrakaŭ, prajšoŭ mima hanarovaj varty i sieŭ u svoj limuzin, paśla čaho delehacyja nakiravałasia na sustreču z rasijskimi kalehami.

Pucin i Kim Čen Yn pry sustrečy koratka pahutaryli. Lidar KNDR padziakavaŭ Pucinu za zaprašeńnie naviedać Rasiju, «niahledziačy na zaniataść».

U Pucina i Kim Čen Yna adbuducca pieramovy — jak z udziełam delehacyj, tak i, mahčyma, tet-a-tet.

Jak skazaŭ pres-sakratar Dźmitryj Piaskoŭ, na ich buduć abmiarkoŭvacca pytańni dvuchbakovaha supracoŭnictva, u tym liku handlova-ekanamičnyja suviazi i kulturnyja abmieny, a taksama «budzie nasyčany abmien dumkami ab situacyi ŭ rehijonie i pa mižnarodnych spravach u cełym».

Čytajcie taksama:

Lidar KNDR pryjechaŭ u Rasiju. FOTY

Łukašenka pavinšavaŭ Kim Čen Yna

Paŭnočnakarejcaŭ zaklikali ratavać ad stychii partrety Kimaŭ

Клас
2
Панылы сорам
2
Ха-ха
17
Ого
1
Сумна
0
Абуральна
0