Vyjava: Duolingvo

Vyjava: Duolingvo

Vytvorca adukacyjnych prahram anansavaŭ źjaŭleńnie ŭ svaim pradukcie novych multymiedyjnych funkcyj, jakija buduć uklučać Duolingo Math i Duolingo Music — i ŭsio ŭnutry adnoj mabilnaj prahramy razam z vyvučeńniem moŭ, jakoje było asnoŭnaj funkcyjaj Duolingo.

U rekłamnym videa Duolingo demanstruje pieršyja aficyjnyja vyjavy praduktu, jakija pakazvajuć, što abnoŭlenaja prahrama budzie prapanoŭvać nievialikija ŭroki, interaktyŭnyja praktykavańni i dazvolić karystalnikam pavyšać svaje navyki.

Duolingo nie raspavioŭ pakul usie padrabiaznaści pra novy muzyčny pradukt, ale ŭ kampanii adznačyli, što novaja prahrama budzie ŭtrymlivać «sotni» ŭrokaŭ i bolš za 200 «viasiołych i znajomych miełodyj». Prahrama taksama budzie vykarystoŭvać firmovy hiejmifikavany interfiejs i interaktyŭnyja praktykavańni, dzie karystalniki zmohuć vučycca na praktycy.

Vyjava: Duolingvo

Vyjava: Duolingvo

Duolingo paviedamiŭ, što na rašeńnie pajści ŭ muzyku paŭpłyvała patreba ŭ muzyčnaj adukacyi ŭ ZŠA, dzie, pavodle słoŭ pradstaŭnikoŭ kampanii, bolš za 3,6 miljona studentaŭ nie majuć dostupu da jaje, a pryvatnyja ŭroki mohuć kaštavać da 400 dalaraŭ za ŭrok. Akramia taho, daśledavańni pakazali, što vyvučeńnie muzyki dapamahaje raźvivać takija navyki, jak čytańnie, vusnaje maŭleńnie, aŭdziravańnie i matematyčnyja zdolnaści, adznačyli ŭ kampanii.

Vyjava: Duolingvo

Vyjava: Duolingvo

Kampanija ŭžo niekatory čas pracuje nad tym, kab vykarystoŭvać svaju madel navučańnia dla inšych pradmietnych abłaściej. Naprykład, padčas pandemii COVID-19 Duolingo zapuściŭ biaspłatnuju prahramu navučańnia anhlijskaj movie dla dziaciej pad nazvaj Duolingo ABC, raspaviadaje TechCrunch. U kastryčniku minułaha hoda debiutavała prahrama Duolingo Math, jakaja stała pieršym bolš šyrokim pradmietnym pašyreńniem u prahramy pa-za miežami vyvučeńnia moŭ.

Duolingo Music i šmatpradmietny funkcyjanał novaj prahramy buduć prezientavanyja na kanfierencyi Duocon 11 kastryčnika 2023 hoda.

Čytajcie taksama:

Čamu bilinhvy mohuć mieć pieravahu ŭ pamiaci — novaje daśledavańnie

Muzyka, stvoranaja štučnym intelektam, ździvić vas

Pad novaj nazvaj adradziŭsia prajekt «Adukacyja.info»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?