Arciom Makaraŭ. Fota: muzlifemagazine.ru

Arciom Makaraŭ. Fota: muzlifemagazine.ru

Dahetul Arciom Makaraŭ 12 hadoŭ pracavaŭ hałoŭnym dyryžoram u Baškirskim teatry opiery i baleta, maje hanarovaje zvańnie narodnaha artysta Respubliki Baškartastan. Taksama ŭ červieni hetaha hoda jon staŭ jašče i hałoŭnym dyryžoram Maskoŭskaha teatra imia Natalli Sac.

Jak adznačyŭ novy kiraŭnik arkiestra, jon ščaślivy, što znachodzicca ŭ Biełarusi i dla jaho «vialiki honar stać častkaj takoha lehiendarnaha teatra». Raniej jon užo supracoŭničaŭ ź biełaruskim teatram u niekalkich śpiektaklach, i ŭvohule ŭžo pisałasia pra toje, što Opierny teatr zrabiŭ staŭku pry vyrašeńni kadravych prablem na zaprašeńnie rasijan.

 «Pakolki heta było nie spantannaje rašeńnie, ja jaho abdumvaŭ na praciahu minułaha hoda, i my ŭsio abhavaryli i z tutejšym kiraŭnictvam, i z kiraŭnictvam u Maskvie, vyrašyli, što pasprabujem sumiaścić. Ja spadziajusia, što ŭsio atrymajecca», — zajaviŭ Makaraŭ.

Biełaruskija dyryžory nie padychodzili Vialikamu teatru opiery i baleta Biełarusi z palityčnych mierkavańniaŭ. Z 2020 hoda z Opiernaha teatra zvolnili čatyroch viadomych dyryžoraŭ. Kalektyŭ byli vymušanyja pakinuć Viačasłaŭ Čarnucha-Volič, Andrej Hałanaŭ, Ivan Kaściachin, a ŭ kancy minułaha hoda — Aleh Lasun. Usie zvalnieńni byli źviazanyja z hramadzianskaj pazicyjaj tvorcaŭ.

Čytajcie taksama:

Čamu ŭ Vialikim teatry Biełarusi dahetul niama hałoŭnaha dyryžora?

Biełarus Vital Aleksiajonak pryznačany novym hałoŭnym dyryžoram niamieckaj opiery na Rejnie

Śpiavak Illa Silčukoŭ, zvolnieny ź minskaha Opiernaha za ŭdzieł u pratestach, debiutuje ŭ La Scala

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?