Tomas Bach. Fota: Tullio M. Puglia / Getty Images

Tomas Bach. Fota: Tullio M. Puglia / Getty Images

Tomas Bach zajaviŭ, što rašeńnie ab dopusku ci niadopusku spartsmienaŭ na Alimpijadu naŭrad ci budzie pryniata ŭ najbližejšy čas.

«Nie dumaju, što kančatkovaje rašeńnie budzie pryniata ŭ najbližejšyja niekalki dzion. Dumaju, u vas jość dakładnaje ŭjaŭleńnie ab našych rekamiendacyjach: nijakich kamandaŭ, himnaŭ, kvietak, nijakaj nacyjanalnaj identyfikacyi ŭ dačynieńni da Rasii i Biełarusi.

Ź inšaha boku, dazvolena spartsmienam, jakija nie padtrymlivajuć vajnu i jakija nie źviazany z vajskovymi abo inšymi słužbami ŭ Rasii ci Biełarusi, spaborničać u jakaści indyvidualnych i niejtralnych atletaŭ, a nie jak pradstaŭnikoŭ svaich krain», — zajaviŭ Bach.

«Z adnaho boku, u nas rasijski ŭrad, jaki choča, kab my ihnaravali ŭvieś śviet. Ź inšaha boku, u nas ukrainski ŭrad, jaki kaža, što treba całkam izalavać usich z rasijskim pašpartam, a heta niemahčyma z ulikam našych kaštoŭnaściaŭ. Heta niemahčyma z ulikam pravoŭ čałavieka. Heta niemahčyma z ulikam Alimpijskaj chartyi.

I tamu my pryjšli da hetaj formuły: abaraniać pravy čałavieka jak indyvidualnaha spartoŭca, ale karać rasijskuju dziaržavu, ułady za parušeńnie Alimpijskaj chartyi», — patłumačyŭ svoj punkt hledžańnia Bach. 

Čytajcie taksama:

MAK nie dazvoliŭ biełarusam i rasijanam udzielničać u Azijackich hulniach. Jany chacieli zdabyć tam alimpijskija licenzii

Mižnarodnaja fiederacyja badmintona dapuściła biełarusaŭ da spabornictvaŭ u niejtralnym statusie

Kiraŭnik World Athletics: Naŭrad ci biełaruskija i rasijskija lohkaatlety trapiać na Alimpijadu ŭ Paryžy

Клас
4
Панылы сорам
6
Ха-ха
2
Ого
1
Сумна
2
Абуральна
15