Fota: Kenno Põltsam

Fota: Kenno Põltsam

Siońnia nočču la pomnika Kanstancinu Piatsu kala teatra «Estonija» ŭ centry Talina možna było ŭbačyć čyrvony ściah z nadpisam «1934», piša Postimees.

Čyrvony ściah byŭ zaŭvažany la pomnika Piatsu i 18 žniŭnia. Ale tady vyviesili ściah savieckaj Estonii.

Kanstancin Piats, syn pravasłaŭnaha estonca, byŭ pieršym premjeram Estonii ŭ 1918 hodzie, mienavita jon začytaŭ Dekłaracyju ab niezaležnaści 24 lutaha 1918 hoda. Potym jon niekalki razoŭ byŭ dziaržaŭnym starejšynam — pasada kiraŭnika krainy.

12 sakavika 1934 hoda, Kanstancin Piats, budučy premjer-ministram Estonii i abapirajučysia na vajennyja siły, ažyćciaviŭ razam ź ministram abarony Jochanam Łajdanieram dziaržaŭny pieravarot. Jon byŭ abvieščany prezidentam-rehientam Estonii. Usie palityčnyja partyi byli zabaronienyja, uviedziena cenzura presy.

Tym samym Piats nie dapuściŭ pieramohi na vybarach vapsaŭ (vieteranaŭ Vyzvalenčaj vajny) — ultrapravaha ruchu, jaki aryjentavaŭsia na tatalitarnyja režymy Italii i Niamieččyny. 

U 1940 hodzie paśla akupacyi Estonii Savietami Piatsa aryštavali i vysłali ŭ hłyb SSSR, dzie źmiaścili ŭ psichijatryčnuju lačebnicu. 

Sa śniežnia 1952 hoda Kanstancin Piats znachodziŭsia ŭ psichijatryčnym špitali ŭ pasiołku Burašava pad Kalininam. Jaho źmiaścili ŭ asobnuju pałatu № 2 i nie padviarhali miedycynskim praceduram.

Pa-rusku pacyjent pałaty № 2 havaryŭ ź miakkim akcentam. Na pytańnie, chto jon taki, Piats adkazvaŭ: «Ja — prezident Estonii».

Kanstancin Piats pamior u hetym špitali ŭ 1956 hodzie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?