U Iranie znoŭ masavyja biesparadki. Ułady krainy hłušać mabilnuju suviaź i pierakryli dostup u internet. Napiaredadni antyŭradavych akcyj byli zatrymanyja niekalki sotniaŭ čałaviek. Dzień studenta, jaki ŭ Iranie adznačajecca ŭ pamiać ab troch studentach, jakija zahinuli padčas antyamierykanskaj demanstracyi ad ruk šachskoj palicyi ŭ 1953 hodzie, adhuknuŭsia čarhovym recham niaŭdałaj «zialonaj revalucyi».

Sutyknieńni pamiž apazicyjna nastrojenymi studentami, što vystupajuć u padtrymku byłoha premjera Irana Mir-Chasiejni Musavi, i palicyjaj pačalisia ŭ Tehieranie rankam. Śpiecsłužby ŭžyvajuć ślezaciečny haz i błakujuć studentaŭ u internatach.

Niezaležnaja infarmacyja z Tehierana nie pastupaje – zamiežnym žurnalistam zabaroniena pakidać damy i karpunkty z 7-ha pa 9-ha śniežnia pad pahrozaj vysyłki z krainy.

Padčas letnich pratestaŭ, jakija pačalisia paśla abviaščeńnia aficyjnych vynikaŭ prezidenckich vybaraŭ 12 červienia i aktyŭna doŭžylisia kala dvuch miesiacaŭ, pa źviestkach apazicyi, zahinuli bolš jak 70 čałaviek. Piaciora apazicyjanieraŭ byli prysudžanyja da śmiarotnaha pakarańnia, jašče 80 čałaviek atrymali doŭhija turemnyja terminy.

AP, pavodle gazeta.ru

Клас
0
Панылы сорам
0
Ха-ха
0
Ого
0
Сумна
0
Абуральна
0