Kolkaść doz vakcyny suprać pandemičnaha hrypu A (H1N1), rabota pa zakupcy jakoj pravodzicca ciapier, składzie 500 tysiač doz,

paviedamlaje Respublikanski centr hihijeny, epidemijałohii i hramadskaha zdaroŭja. Vakcyna budzie pryznačana dla rabotnikaŭ arhanizacyj achovy zdaroŭja i žyćciova važnych słužbaŭ krainy.

Respublikanskaja sansłužba paviedamlaje, što imunizacyja suprać pandemičnaha hrypu pavinna pravodzicca, kab, «pa‑pieršaje, abaranić cełasnaść sistemy akazańnia miedycynskaj dapamhi i asnoŭnaj infrastruktury krainy, pa‑druhoje, źnizić zachvorvańnie i śmiarotnaść u hrupach ryzyki i, pa‑treciaje, źnizić pieradaču pandemičnaha virusu siarod nasielnictva».

Taktyka imunizacyi suprać pandemičnaha hrypu budujecca ŭ adpaviednaści z epidemičnaj situacyjaj u krainie, śviecie i rekamiendacyjami Suśvietnaj arhanizacyi achovy zdaroŭja (SAAZ), adznačajuć u centry.

Jak paviedamlałasia pavodle aficyjnych źviestak, pačynajučy z 19 kastryčnika na vostryja reśpiratornyja infiekcyi pierachvareła kala 1,5 młn. čałaviek, ź ich na hryp — 2,4 (2,6%). Pry hetym kiraŭnik biuro SAAZ u Biełarusi Jahor Zajcaŭ na pres‑kanfierencyi ŭ Minsku 17 listapada kanstatavaŭ,

što virus pandemičnaha hrypu A (H1N1) daminuje siarod hrypapadobnych zachvorvańniaŭ.

Pavodle infarmacyi namieśnika ministra achovy zdaroŭja Robierta Časnojcia, vakcyna ad hrypu A (H1N1) źjavicca ŭ Biełarusi ŭ druhoj pałovie śniežnia. Ciapier viaducca pieramovy z roznymi firmami — vytvorcami vakcyny, u tym liku z rasijskim «Mikrahienam».

Pavodle źviestak sansłužby, usiaho ŭ 2009 hodzie suprać hrypu pryščepleny 1 młn. 10.632 čałavieki, što na 36,3% bolš u paraŭnańni z 2008 hodam, kali pryščapilisia 741.434 čałavieki. Z ahulnaj kolkaści pryščeplenych udzielnaja vaha dziaciej skłała 37,4% (377.594 čałavieki). U Minskaj vobłaści pryščeplena 10,9% žycharoŭ (159.815 čałaviek), u Minsku — 10,4% (187.897), u Homielskaj vobłaści — 9,2% (134.248), Viciebskaj — 9,0% (115.837), Bresckaj — 8,7% (120.005), Mahiloŭskaj — 7,9% (89.444) i Hrodzienskaj — 7,6% (83.668).

Za košt srodkaŭ respublikanskaha biudžetu pryščeplena 462.497 čałaviek (45,8% ahulnaj kolkaści pryščeplenych), za košt srodkaŭ miascovaha biudžetu — 418.642 čałavieki (41,4%), za košt srodkaŭ arhanizacyj i pradpryjemstvaŭ — 116.750 čałaviek (11,6%), za košt asabistych srodkaŭ hramadzian — 12.743 čałavieki (1,2%).

Sansłužba adznačaje, što, «niahledziačy na pavieličeńnie ŭ 2009 hodzie finansavych srodkaŭ na zakupku hrypoznaj vakcyny, achop pryščepkami zastajecca niedastatkovym».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?